یوخاری

آراز چایی یاخشی بیلیر کی، ایکی آذربایجان نه چکیر-هوشنگ جعفری

آنا صحیفه رپورتاژ
12 Punto 14 Punto 16 Punto 18 Punto

او، آردیجیل اولاراق آذربایجان روح‌لو، سوراق‌لی هارایلاری ایله تانینیر

اونون یوتوب‌ده‌کی چیخیشلارینی یقین اوخوجولاریمیز یاخشی خاطیرلاییر: اودلو-آلوولو، احتیراس‌لی، اومیدلی، حیددت‌لی هارایلارین‌دا گونئی آذربایجان تورکلرینین دورومونو چاتدیریر. بو، شاعر، رسام هوشنگ جعفری‌دیر.

هوشنگ جعفری ۱۹۵۸-جی ایلده زنجانین قالاجیق کندین‌ده دونیایا گلیب. رسام‌لیغی اوستاد رحیم نوه‌سین‌دن اؤیرنیب. زنجان والیلیینین باش معاوینلرین‌دن بیری اولوب. "حاجیلار" و "بلا وورون بئله فرماندارا" شعیرلرینی یازدیق‌دان سونرا اوچ ایل دؤولت خیدمتین‌دن اوزاقلاشدیریلیب. اوچ ایلده‌ن سونرا ماکیناچی کیمی خیدمته چاغیریلیب. اوچ قیزی و بیر اوغلو وار. اوغلو قریم‌چی، قیزلارین‌دان بیری شاعره، بیری رسام، اوچونجوسو ایسه مینیاتورچودور.

کولت. آذ شاعرین «تضادلار»آ مصاحیبه‌سین‌دن بیر پارچانی تقدیم ائدیر: «سویون گناهی یوخدور. سو او هزین سسی ایله اورتادان کئچمکله اؤز دردینی ده بیزدن گیزله‌دیر. او یاخشی بیلیر کی، ایکی آذربایجان نه چکیر. او ساکیت حال‌دا آخماسی ایله دئییر کی، باخین، من‌ده هئچ بیر گناه یوخدور. اما سیز گرک بیر-بیرینیزی دویاسینیز، آنلایاسینیز، بیر-بیرینیزی دوشونه‌سیز. بو باخیم‌دان آرازدا هئچ بیر تقصیر گؤرموره‌م. هئچ بیر سو بیزی بؤله بیلمز. اوریی سو بؤلسه، اؤله بیلریک. اما بیز اؤلممیشیک، دئییریک، قیشقیریریق، دردیمیزی باغیریریق. اودور کی، بئله دیرییه اؤلوم یوخ‌دور. او کسین کی، فیکری، دوشونجه‌سی وار، اونا اؤلوم یوخدور. هئج واخت من او تای، بو تای بیلمدیم کی. شهریار «حیدر بابایا سلام» پویماسی ایله هم او تایا، هم ده بو تایا گئنیش بیر قاپی آچیب گئتدی. بختیار واهاب‌زاده ده بو تایدان «گلستان» پوئماسی ایله بیر قاپی آچدی. بیزی بورادا باجی-قارداشلاریمیز بؤیوک جوشقو، بؤیوک محببتله آلقیشلاییرلار، بیزلری باغیرلارینا باسیرلار. اونا گؤره ده دئییرم کی، سو بیزی آییرا بیلمز. سهراب طاهیرین آذربایجان» پویماسی ایسه او تایلی، بو تایلی آذربایجانین یارالی اوریینین تسلیسی‌دیر. بیلدیینیز کیمی، او تای‌دا شاعرلره همیشه بیر باسقی اولوب، بیز سیخینتی یاشامیشیق. سون واختلار دویغولو، سیاسی شعیرلر خیلی چوخالیب. باخاندا گؤروروک کی، ایندی بو یؤنده شعیرلر بیره یوز آرتیب. آرتیق باخیشلار دییشیب، فیکیرلر دییشیب. بو گون منیم یوردوم اولان زنجان‌دا تار، کامانچا، قارمون چالانلارین سایی آرتیب. بونلار آذربایجان موسیقی‌سینی، شعیرینی یاشادیرلار. خالق‌دا بؤیوک بیر جانلانما وار. خالق اؤز دیلینی، عادتینی قورویوب، ساخلایا بیلیب کی، بو دا بیزی سئویندیریر. گؤروره‌م کی، خالقین ایچینه گئدنده منی نه قدر آلقیشلاییرلار. دئمه‌لی، خالقین یارالارینا آز دا اولسا، ملحم اولا بیلیرم. خالقیمین یولون‌دا اؤلمک لازیم‌دیرسا، اؤلره‌م، اما عقیده‌مدن دؤنن دئییلم».

تاریخ
2020.05.26 / 22:06
مولف
آینورا مممدووا
شرح لر
دیگر خبرلر

۲۰۲۳ گونئی آذربایجان‌دا نئجه یاددا قالدی؟

رایسایا قاراباغ اوچون آمریکادا وئریلن باهالی اوزوک – فوتو

"آذربایجان" آدی تورکمنچای سازشینده - تاریخی فاکت

آتاتورک ناخچیوانلا سرحدی جیبینین پولو ایله آلیب؟

اوردوموز قافانا نظارت ائدیر - یئنی ویدئو

بو، ایرانین آذربایجان‌لیلارا دوشمن مناسیبتی‌دیر

سارا خاتونون بو خواهشینی ۲-جی محمت ائشیتمیر…

ایران دهشتلرینین عکس اولوندوغو کتاب…

جعفر جبارلینین اوغورلانمیش بئینی هارادا ساخلانیلیر؟

امیدیمی ایتیره‌نده، «کوروغلو»نو دینلییرم - گونیلی وکالیست

خبر خطّی
Axar.az'da reklam Bağla
Reklam
Bize yazin Bağla