Axar.az
یوخاری


جواد خانین سویون‌دان اولان موسیقی‌چی: «اولو بابام حاق‌دا معلومات‌سیزام"

آنا صحیفه رپورتاژ
12 Punto 14 Punto 16 Punto 18 Punto

متمادی اولاراق آذربایجانین بؤیوک شخصیتلرینین سویونون داوام‌چیلارینی آختاریب تاپیریق. خالقیمیزی اونلارا، اونلاری خالقیمیزا تانیدیریق. بودفعه‌کی همصحتیمیز سونونجو گنجه حکمداری جواد خانین سویون‌دان اولان آوسترالییالی موسیقی‌چی سینا مایلئر جوادخانی‌دیر.

پوبلیکا. آذ-این اؤزل قوناغی سینا مایلئر جوادخانی‌دیر.

- سینا، موسیقی ایندوسترییاسینا گلیشینیزدن دانیشاق...

- مالایزییانین پینانق ایشتاتین‌دا بؤیوموشه‌م. هله یئنی‌یئتمه‌لیک ایللریم‌دن پسیخود‌لیک روک، آلتئرناتیو روک، پوست-مئتال ژانرلاردا ایفا ائد‌ن موسیقی قروپلارین‌دا چالیشمیشام. حتی قارداشیملا بیرگه «دامن دیرتی آپئس» آدلی قروپون عضوو اولموشوق. بیر مدت سونرا آوسترالییایا، سیدنئیه کؤچدوم. فرقین‌ده اولمادان هاردکور، پوست پانک، الکترونیک، هیپ هوپ صحنه‌سینه ماراغیم آرتدی. دوستلاریملا بیر صحنه‌نی بؤلوشه-بؤلوشه اؤزومو موسیقینین لاپ مرکزین‌ده تاپدیم. بیر مدت «فالکونا» آگئنتلیین‌ده دژ (دیجی) کیمی امکداش‌لیق ائتدیم. خاطیرلادیم کی، بو آگئنت‌لیک ائلیسون اووندئرلاند، هئیدئن جئیمس کیمی مشهورلارلا دا امکداش‌لیق ائدیر. همچینین مئدیا اینجه‌صنعت و ایستحصال ایختیصاصین‌دا تحصیل آلمیشام. حاضردا ایختصاصیم اوزره متخصص کیمی فعالیت گؤستریرم.

- امین‌م کی، ایلهام قایناغینیز وار...

- موسیقی زؤوقومو «گرئئن دای»، «سماشینگ پومپکینس»، «لینکین پارک» و عمومیتله بو روح‌دا ایفا ائد‌ن قروپلار فورمالاشدیریب. قارداشیم آمریکادا تحصیل آلیب گئری دؤنه‌ن‌دن سونرا منی موسیقینین داها موکمل یؤنلری و ایفاچیلارلا تانیش ائتدی. حتی خاطیرلاییرام کی، فرق‌لی موسیقیلر یاییم‌لانان رادیوستانسییالار دینله‌مه‌یه باشلادیم. ایندی دقیق دئیه بیلره‌م کی، موسیقیم آلتئرناتیو روک، الکترو هیپ هوپ‌دان ایلهام‌لانیر. عمومیتله دونیامیز دییشدیکجه، فرق‌لی ژانردا موسیقیلر دوغولور. امینه‌م کی، موسیقی ایندوسترییاسین‌دا اولمایانلارین چوخو بو ژانرلارین آدلارینی دا ائشیتمه‌ییب. صرف بو ایستیقامتلری ایزلییرم. روک قانیم‌دادیر، هم ده آخی بو منیم پئشه‌م‌دیر. بوتون یئنی‌لیکلردن خبردار اولماغا چالیشیرام. اساس اینفورماسییا منبییم یوتوب‌دور. دوشونوره‌م کی، اینسان حیاتین‌دا، اوغورلارین‌دا، کاریئراسین‌دا اوشاق‌لیق دؤورو زنگین بازادیر. هر زامان اوشاق‌لیغی‌می تبسومله خاطیرلاییرام. آخی او ایللرده تکنیکا حیاتیمیزا بو قدر تماس ائتممیشدی. کومیکسلر توپلاییردیق، خئییرخاه فیلم قهر‌مانلارینا بنزه‌مه‌یه چالیشیردیق، علمی فانتاستیک کیتابلار اوخویوردوق، گئییم، داورانیش ائستئتیکاسینا داها چوخ اؤن‌م وئریردیک. یقین بوتون بو کئیفیتلر حیاتیمین مجراسینی معین ائتدی.

- اعتراف ائدک کی، یاشادیغیمیز موحیط ده زؤوقوموزه بیرباشا تأثیر ائدیر. هر زامان آوسترالییانین هارمونییاسینا حیران اولموشام.

- دوغرودور. آوسترالییا محتشه‌م اؤلکه‌دیر. من سیدنئی‌ده یاشاییرام. ان چوخ سئودییم مشغولیت اوکئان‌دا اوزمکدیر. بزه‌ن ائله بیلیرم کی، اؤزومو سونسوزادک اوکیانا اعتبار ائده بیلره‌م. آوسترالییایا کپچ‌ن‌ده جمعی ۱۷ یاشین‌دا ایدیم. فرق‌لی مدنیتلر، موسیقیلر، صحنه‌لر زؤوقومه بؤیوک تأثیر گؤستردی. بیر مدت اول بورادا دهشت‌لی یانغین باش وئردی. اؤلکه چوخ یورولموشدو. ائله بو مقام‌دا کوروناویروس یئنی‌دن صبریمیزی سینادی. اما دئمک اولار کی، هر شئی یاخشیلیغا دوغرو دییشیر.

- تاریخ بویو یارادیجی اینسانلارین اثرلرین‌ده یالنیز اؤزلرینه آشکار قالان مقاملار اولوب. موسیقینیزده بو عنعنه‌یه رعایت ائدیرسینیز؟

- ایسته‌نیله‌ن فانتازییا و خیال محصولون‌دا یالنیز مؤلفین درین‌دن دویدوغو مقاملار وار. اینجسنتین ایسته‌نیله‌ن نؤوون‌ده بئله‌دیر. ایستهمیرم اینسانلار دوشونسون کی، موسیقینین دوغولماسی فیلملرین، ویدئو اویونلارین، رسم اثرلرینین یارانماسین‌دان آز زامان و زحمت طلب ائدیر. معاصر موسیقی اولسا دا مؤلف پروسئ‌سه اؤزونو حصر ائدیر. اودور کی، گیزلی مئساژ، بلکه ده ایللر سونرا داها آکتوال اولاجاق مقاملار موطلق وار.

- بو گونلرده موسیقی‌چیلرین ان چوخ چیخیش ائتدیکلری سهنه ائو اوتاقلاری‌دیر. هان‌سی بؤیوک سهنه‌لر اوچون داریخمیسینیز؟

- دوغرودور. سیدنئیین بوتون کونسئرت سالونلاری سوسور. اما ان چوخ اوکسفورد بدیعی فابریکی و «ق»بار کلاسسیک صحنه‌لری اوچون داریخمیشام. اما سیزه بیر سیرر آچیم، بو ویرتوال حیات منی هئچ ده یورمادی. عکسینه یئنی نؤو اونسیت و ایش پروسئ‌سینین لذتینی داددیم. اوللر هئچ واخت اونلاین شکیل‌ده مشق ائتمیردیک، ایشله‌میردیک. اما آلیشدیقجا گؤرورسه‌ن کی، بو اصولون دا ماراق‌لی یؤنلری وار.

- سینا، اولو بابانیز جاواد خان خالقیمیزین تاریخی شخصیتلرین‌دن‌دیر. ائله بو گونلرده دیاسپور تو آتانیز کاظیم بیله ماراق‌لی موصاحیبه ائتدی. جاواد خان حاق‌دا معلوماتینیز وار؟

- بیر نئچه دفعه آتام اولو باباسی حاق‌دا دانیشیب. اما تأسف ائدیره‌م کی، جاواد خان و گنجه شهری حاق‌دا معلومات‌سیزام. ایستردیم منه داها چوخ معلومات گؤندرسینیز.

- البته. سؤز وئریرم.

- صنعت عشقی ایله منتیقین تماسی نه درجه‌ده مومکون‌دور؟

- موسیقی صنتچینین اعترافی‌دیر، لیباسی‌دیر، نظر نقطه‌سی‌دیر، اونسیت فورماسی‌دیر. اودور کی، بزه‌ن عادی صحبت‌ده اولدوغو کیمی قارشینیزداکی دینلییجینی اینجیتمه‌مک اوچون کومپرومی‌سه گئتمیی باجارمالیسینیز، بعضی حاللاردا شخصیتینیزی ایکییه بؤلوب همصحبتینیزی ده شففاف آنلامالیسینیز. اما بوتون بونلاری ائدرکه‌ن تارازلیغی دا پوزماق اولماز. یوخ‌سا سمیمیت ایتر. اؤزونوزو، شخصی حیاتینیزی، ایستکلرینیزی ده اونوتمایین. ان ساده اوشاق‌لیق آرزولاری گئرچکلشممیش اینسانین صنعت‌ده هامی‌دان اؤنده اولماسی معناسیزدیر. یعنی یارادیجی‌لیق اوبرازینی تاپماق اوچون اؤز سیمانیزی ایتیرمیین.

تاریخ
2020.05.18 / 15:59
مولف
Axar.az
شرح لر
دیگر خبرلر

آراز چایی یاخشی بیلیر کی، ایکی آذربایجان نه چکیر-هوشنگ جعفری

«تبریز پئشه‌لر موزه" یینین باغلانما سببلری - مصاحبه

ایران‌دا کوتلوی ایغتیشاشلار، سلاح‌لی قارشی‌دورمالار... – موصاحیبه

معمالی شکیل‌ده اؤلن ۳۵ یاش‌لی گنرالیمیز - ۸ فاکت

حکمدارلارین آغلاسیغماز اؤلوم سببلری: قان، گولوش...

تبریزین تاریخی یئرآلتی یوللار و تونئل‌لری

تبریزین تاریخی یئرآلتی یوللار و تونئل‌لری

باکی‌دا کورونا اونودولدو: تیخاجلار، ماسکاسیز گزینتی... - فوتو

عثمانلی سلطانینی دئویرمک ایسته‌یه‌ن آذربایجان‌لی - سارایدا گیزلی پلان

پاندئمییا سونراسی ادبیاتین وضعیتی نئجه اولاجاق؟ – مصاحیبه

خبر خطّی
 
Axar.az'da reklam Bağla
Reklam
Bize yazin Bağla