آلمانییادا مهاجیرتده یاشایان گونئی آذربایجانلی وکیل و حقوق شناس نقی محمودی نین Axar.az-ا موصاحیبه‌سی:

- گونئی آذربایجان‌دا حاضیرکی مدنی-ادبی وضعیت نئجه‌دیر؟ ایران‌دا آذربایجان‌لیلارین ملی کیملیینین برپاسین‌دا سیاسی، یوخسا مدنی فعالیتلر داها چوخ تاثیرئدیجی عامل‌دیر؟

- هر ایکی فعالیت اؤز نؤوبه‌سین‌ده اؤنملی و گرکلیدیر. حاضردا آذربایجانین گونئیین‌ده اولان ملی شعور (اؤزللیکله گنج و یئنی‌یئتمه‌لرین ایچین‌ده) چوخ یوکسک سوییه‌ده‌دیر و گوندن-گونه آرتیب اینکیشاف ائتمکده‌دیر. شوبهه‌سیز کی، سیاسی و مدنی معاریفلندیرمه ملتیمیزین داها دا آییق-ساییق اولماسی و فیکیر باخیمین‌دان گوجله‌نمه‌سینده چوخ واجیب اولان بیر فاکتورودور. طبیعی کی، یازیلی مئدیا ایله یاناشی، رادیو و تلویزییالارین دا اوزرینه چوخ بؤیوک بیر وظیفه دوشور.

- ۳ آیدان چوخ‌دور ایران‌دا باش وئره‌ن اعتراض آکسییالارین‌دا گونئی آذربایجان‌لیلارین رولو و ایشتیراک سوییه‌سینی نئجه دیرلندیریرسینیز؟ بو مرحله‌ده خاریجده فعالیت گؤستره‌ن گونئی تشکیلاتلارینین فعالیت و مؤوقعی قناعتبشدیرمی؟

- آچیغی، گونئییمیزده جدی بیر سیاسی تشکیلات یوخدور و اونون اوچون ده ملتیمیز گئنیش و هدفلی فورمادا آکسییالاردا اشتراک ائتمیر. چاغیریش ائد‌نلرین کوتله ایچینده نفوذو اولمادیغی اوچون بیر چوخ حالدا تاثیرسیز و یاخود کیچیک میقیاسلی تأثیری اولور.

- ایران‌دا اعتراض آکسییالارین‌دا فردی، سیاسی آزادلیقلار و معیشت مسئله‌لری ایله باغلی طلبلر داها قاباریق شکل‌ده اؤزونو گؤستریر. ملی حقوقلارلا باغلی ایستکلرین اؤن پلاندا اولماماسینین سببی ندیر؟

- ایران‌دا اولان اقتصادی فلاکت اینسانلارین حیاتین‌ده اؤز منفی تأثیرینی بوراخماق‌دادیر، اونون اوچون ده ایستکلر یالنیز ملی شوارلار و ایستکلرله باغلی دئییل.

- ایران‌دا سیاسی پروبلمله یاناشی، درین اقتصادی بحران حکم سورور. بونون رژیم دییشیکلیگی و یا هانسیسا درین اصلاحاتا سبب اولاجاغی ممکن‌دورمو؟

- اصلین‌ده، ایران اوزون ایللردیر کی، بحران ایچین‌ده‌دیر و گون‌دن-گونه ده بو بحران درینلشمکده‌دیر. حساب ائدیره‌م کی، ۳ آی مدتین‌دن آرتیق سوره‌ن بو اعتراضلارین بیر چئوریلیش و یاخود ان آزیندان بؤیوک و درین بیر اصلاحاتلا نتیجه‌لنه بیلمه پوتنسیالینا مالیکدیر.