دونن بیز ایلاخیر چرشنبه‌ده ده ایران‌دا گئنیش‌میقیاسلی اعتراضلارین شاهیدی اولدوق. خالق آخیرچرشنبه‌دن اعتراضلار اوچون یئنی فورصت کیمی ایستیفاده ائتدی. آرتیق ۶ آیدیر کی، پروسس داوام ائدیر و تهران رژیمی بوندان اولدوقجا ناراحاتدیر.

بو سؤزلری Axar.az-آ دونن باش وئرن اعتراضلار و اوردونون حاضر وضعیته گتیریلمه‌سی خبری حاقیندا دانیشان ایران اوزره اکسپرت کریم عسگری دئییب.

اکسپرت سپاه-این خامنه‌ای‌دن سونراکی دؤوره حاضرلیق پلانلارینین اولدوغونو بیلدیریب:

«حاضردا چئوریلیش احتیمالینا قارشی سپاه-این دولته نظارتی تمامیله علینه آلما پلانلارینین اولدوغو باره‌ده صحبتلر ده گونده‌مده‌دیر. لاکین سپاه بیرباشا خامنه‌اییه تابعدیر. فیکریمجه، بو، هم ده خامنه‌ای‌دن سونراکی دؤوره حاضرلیقلا علاقداردیر. یعنی هانسی‌سا بیر چئوریلیشه ایمکان وئرمه‌مک و یئنه واختیندان اول حاکمیت دییشیکلیگی اولاجاغی تقدیرده اقتدارا سپاه-آ باغلی اولان شخصی گتیرمک ایستییرلر».

قید ائدک کی، دونن بوتون ایران اراضی‌سینده گوجلو اعتراض نماییشلری و پلیس قوه‌لری ایله توققوشمالار یاشانیب. عینی زاماندا اوردونون یوکسک دؤیوش حاضرلیغی سوییه‌سینه گتیریلدیی حاقیندا خبرلر یاییلیب.