ان الچاتان و اوجوز مئیوه‌لردن بیری اولان آلمانین بیلمدییمیز فایدالاری دا وار.

آخار. آذ بیلدیریر کی، تانینمیش روسییالی دیئتولوق اوکسانا سکیتالینسکایا آلمانی هر گون ایستهلاک ائتمیی توصیه ائدیر.

آلما اورک-دامار سیستمی اوچون چوخ فایدالی‌دیر، باغیرساقلارین نورمال فعالیتینی تعمین ائدیر، اورگانیزمی زیانلی ماده‌لردن تمیزلییر.

بونونلا یاناشی آلما یوخوسوزلوق پروبلئمینده ده کؤمک ائده بیلر. آلما اورگانیزم‌ده "یوخو هورمونو" آدلان‌دیریلان مئلاتونینین ایفرازینی ایستیموللاشدیریر. مئلاتونین همچینین اورقانیزمه جوانلاشدیریجی تأثیر ائدیر، ایممون سیستمینی محکملندیریر، خرچنگ و اورک خسته‌لیکلرین ریسکینی آزالدیر.

همچینین آلمانی طبیعی آنتی‌دپرسانت حساب ائتمک اولار. آلمانین ترکبین‌ده اولان فیتونوتریئنتلر اورگانیزم‌ده سئروتونین و دوفامین نئیرومئدیاتورلارین سوییه‌سینی آرتیریر. بو ۲ نئیرومئدیاتور بیزیم یاخشی احوالیمیز و یوکسک ایش قابیلیتیمیزی تعمین ائدیر، دپرئسییادان قورویور.

آنالس اوف اونجولوگی ژورنالی‌دا درج اولونموش مقاله‌ده عالیملر قادینلارا سود وزی خرچنگینین ریسکینی آزالتماق اوچون هر گون آلما یئمیی توصیه ائدیرلر. آراشدیرما گؤستریب کی، هر گون بیر نئچه آلما یئیه‌ن قادینلاردا بو خرچنگ نؤوونون ریسکی ۲۴% آزالیر. همچینین آلمانین مونتظم ایستهلاکی یومورتالیقلار، باغیرساق و معده آلتی وزی خرچنگینین ریسکینی ده آزال‌دیر.

دیئتولوق آلمانی قابیق‌لی شکیل‌ده یئمیی توصیه ائدیر کی، محض آلمانین قابیغی آنتی‌وکسیدانت و فیتونوتریئنتلرله خصوصیله زنگیندیر.