چوخ دوز قبول ائتمیین اورقانیزمه ضررلی اولماسی باره‌ده هر کس معلوماتلیدیر. اما دوزدان درینین تمیزله‌نمه‌سی اوچون گؤزللیک واسطه‌سی کیمی ایستیفاده ائتمک اولدوقجا فایدالیدیر.

تمیزلییجی و هامارلادیجی ماسکا

دوز و بال، درینی هامارلاشدیرما تأثیرینه مالیکدیر. آخار. آذ خبر وئریر کی، بو ایکیلی یاغ ایستحصالینین تنزیمله‌نمه‌سینی و درینین نملی قالماسینی تعمین ائدیر.

حاضرلانماسی

۱ چای قاشیغی عادی نارین دوزونو ۱ چ.ق. قاشیغی باللا قاریشدیریب مجون حالینا گتیرین و تمیزلدیینیز درینیزه، گؤز چئوره‌سینه وورمادان سورتون. ۱۰-۱۵ دقیقه ساخلادیق‌دان سونرا ایلیق سو ایله یویون و نملندیریجی کرئم چکین.

یومشالدیجی پیلینق

دوز اؤلو درینین طبیعی یوللارلا سویولماسینا کؤمک ائدیر. همچینین درینی یومشالدان و نم تارازلیغینی تعمین ائد‌ن مینراللار باخیمیندان دا اولدوقجا زنگیندیر.

حاضرلانماسی

یاریم ایستکان دوز و یاریم ایستکان زیتون یاغینی قاریش‌دیرین. ایسترسه‌نیز سئودیینیز ائفیر یاغلاریندان دا ۱۰ دامجی قاتا بیلرسینیز. حاضیرلادیغینیز پیلینقی هامام لیفی ایله، یا دا اووجونوزلا بده‌نینیزه یاواش حرکتلرله وورون.

راحاتلادیجی دوز وانناسی

دوز درینیزده‌کی مسامه‌لره گیره‌ن چیرکی و توکسینلری تمیزلییر. دوزون ترکیبینده‌کی مینراللار دریده قورویوجو باریئر یاراتماغی تعمین ائدیر و درینین نمینی قورویور.

دنیز دوزونداکی ماقنزیوم بدنین سو توتماسینی و شیش یارانماسینی آزالدیر.

حاضرلانماسی

ایستی سو ایله دولدوردوغونوز هامام وانناسینا یاریم ایستکان دنیز دوزو علاوه ائدین و ۱۵، یا دا ۳۰ دقیقه بو دوزلو سودا درینیزی دینجلدین.

کپیین قارشی‌سینی آلیر

دوز ساچدا کپیین یارانماسینی آزالدیر. عینی زاماندا، یاغی امر، ساچ دریسینی نملندیره‌رک گؤبلک و کپک یارانماسینین قارشی‌سینی آلار.

حاضرلانماسی

۱-۲ چای قاشیغی دوزو ساچ درینیزه سپین. بارماقلارینیزی ایسلادیب ساچینیزی ۱۰-۱۵ دقیقه یاواشجا ماساژ ائدین. سونرا هر زامانکی کیمی یویون و کرئملیین.