تورکییه‌لی حکیملر و متخصصلر بالقاباغین یئنی فایداسین‌دان بحث ائدیبلر.

آخار. آز خبر وئریر کی، بالقاباغین بعضی آغ جیر خرچنگی ریسکینی آزالتدیغی اوزه چیخیب.

آراشدیرمالار زامانی معلوم اولوب کی، ترکیبی بتا کاروتئنله زنگین بیر پهریز بعضی خرچنگ نؤولرینه یولوخما ریسکینی آزالدیر، اورک-دامار خسته‌لیکلرینه قارشی اورگانیزمی قورویور.

بالقاباغین ۹۰ فایزی سودان عبارتدیر، ترکیبین‌ده لیف چوخ، کالوریسی آزدیر. ۱ ایستکان قاینادیلمیش، سوزولموش، بیشیریلمیش، دوزسوز بالقاباق ۴۹ کالوریدیر. ترکیبین‌ده ۲ گرام پروتین، ۱۲ گرام کاربوهیدرات، ۳ گرام لیف وار. ج ویتامینی منبعیدیر. خسته‌لیکلره قارشی موباریزه آپاران پوتاسیوم، پانتوتنیک تورشو، ماقنئزیوم، ج و ائ ویتامینلری، دمیر، سینک، سئلئنیوم، کال‌سیوم، نیاسین و فولات دا بالقاباغین ترکیبین‌ده وار.

بالقاباغین ترکیبین‌ده‌کی بتا کاروتن بیتکی کاروتنویدلریندن بیریدیر و اورگانیزمده آ ویتامینینه چئوریلیر. آ ویتامینی ایسه ساغلاملیق اوچون واجیبدیر.

آراشدیرمالار معلوم ائدیب کی، ترکیبی بتا کاروتنله زنگین بیر پهریز آغ جیر، دری، دؤش و بیر سیرا خرچنگ نؤولرینه یولوخما ریسکینی آزالدیر. بوندان باشقا اورک-دامار سیستمی خسته‌لیکلرینه قارشی دا اورگانیزمی قورویور.