آرتئریال تضییق ساغلاملیق گؤستریجیلری آراسیندا ان واجیب اولانلاردان بیریدیر. حکیملر واختاشیری اولاراق هامییا (خصوصیله ۴۰ یاش‌دان سونرا اولان اینسانلارا) تضییقینی اؤلچمیی توصیه ائدیرلر.

بونونلا سیز هیپرتونییانین اینکیشافینی ایلک مرحله‌لرده آشکار ائده بیلرسینیز.

هیپئرتونییا چوخ حیله‌گر خسته‌لیکدیر کی، ایلک مرحله‌لرده هئچ بیر سیمپتوملا اؤزونو بوروزه وئرمیر. بو ایسه چوخ تهلوکه‌لی‌دیر. گیزلی اینکیشاف ائد‌ن هیپئرتونییا تدریجا اینسانین اورک-دامار سیستمینی، بؤیرکلرینی، گؤزلرینی سیرادان چیخاردیر. بو سبب‌دن تضییقین واختاشیری اولاراق اؤلچولمه‌سی اولدوقجا واجیبدیر.

لاکین تضییقی اؤلچه‌ن اینسان معین قایدالاری بیلمه‌لیدیر. بو قایدالارا عمل ائتمه‌مک تضییقین گؤستریجیلرینه تأثیر ائدیر، تضییقین سهو اؤلچولمه‌سینه سبب اولور.

۱. تضییقی یئمک یئدیکدن، چای و یا قهوه ایچدیکدن، سیگارئت چکدیکدن درهال سونرا اؤلچمک اولماز. سیدیک کیسه‌سی بوش اولمالی‌دیر.

۲. تضییقی اؤلچدوک‌ده دانیشماق، گولمک، یئمک یئمک و س. اولماز. بو گؤستریجیلرین داها یوکسک اولدوغونا سبب اولور.

۳. تضییقی اؤلچدوک‌دن اول ۵ دقیقه ساکیت اوتورون. اؤلچولمه‌دن اول فیزکی ایشله مشغول اولان، پیللکه‌نله قالخان اینسانین تضییقی داها یوکسک اولاجاق.

۴. تضییق اؤلچوله‌ن قولو ماسانین اوزرینه راحت قویماق لازیم‌دیر. قولون گرگین اولماسی، "ساللانماسی" زامانی تزیقین گؤستریجیلری داها یوکسک اولور.

۵. پالتارین قولونو موطلق قاتلاماق لازیم‌دیر. تونومئترین مانژئتی پالتارین اوزرین‌ده یئرلشدیک‌ده بو تضییقین سهو اؤلچولمه‌سینه گتیریب چیخاردیر.

۶. تضییقین اؤلچولمه‌سی زامانی آیاغی آیاغین اوزرینه قویماق، ناراحات پوزا آلماق، اؤنه اییلمک اولماز.

۷. تضییقی ۵-۱۰ دقیقه فاصیله‌لرله ۳ دفعه اؤلچون و ان آشاغی گؤستریجینی گؤتورون. مثلاً، بیرینجی دفعه ۱۴۰/۹۰، ۲-جی دفعه ۱۳۵/۸۶، ۳-جو دفعه ۱۳۸/۹۰ گؤستریلیب‌سه، ۱۳۵/۸۶ گؤتورولور.

اگر تضییقین اؤلچولمه‌سی زامانی اورتا یاشلی اینسان‌دا گؤستریجیلر دایم ۱۳۹/۸۹ مم c.st-دان یوخاریدیرسا، حکیمه مراجعت ائدین. بو سیزده هیپرتونییانین اینکیشافینا ایشاره ائده بیلر.