سویون کیفایت میقداردا قبولو ساغلام‌لیق اوچون ان واجیب شرطلردن بیری‌دیر. متخصصلرین فیکرینه گؤره، گون عرضین‌ده بؤیوکلر ۱،۵-۲ لیتر سو ایچمه‌لی‌دیر.

ساغلامولون. آذ-این خبرینه گؤره، متخصصلر یئمکدن اول موطلق ۱ ایستکان سو ایچمیی توصیه ائدیر.

قیدا قبولوندان اول ایچیلن سو مئتابولیک پروسئسلری سورعتلندیریر، هزم سیستمینی ایشه سالیر. بو ایسه قبیضلیین قارشی‌سینی آلماغا کؤمک ائدیر.

همچینین بو ساده قایدایا عمل ائتمکله بدن چکی‌سینی نورمادا ساخلاماق و آرتیق چکی‌دن آزاد اولماق مومکوندور. یئمکدن اول ۱ ایستکان سو ایچمکله بیز ایشتاهامیزی آزالدیریق و نتیجه‌ده داها آز یئییریک.

سوسوزلوغا و آجلیغا جوابدئه اولان زونالار بئیین‌ده چوخ یاخین یئرلشیر و بیر چوخ حاللاردا اینسان سوسوزلوق حس ائتدیکده بونو آجلیق کیمی آنلاییر و یئمک یئییر. اگر ۱ ایستکان سو ایچدیکدن ۱۵ دقیقه سونرا آجلیق حسی کئچمه‌ییبسه، یئمک یئیین. آجلیق کئچیبسه، دئمه‌لی سیز ساده‌جه سوسوزلوق حس ائدیردینیز. بو آرتیق قیدا قبولونون قارشی‌سینی آلاجاق و آریقلاماغا کؤمک ائد‌جک.