آلمانلار سئوگی ایله باغلی دئییمه علمی طرفدن یاناشیبلار. معینلش‌دیرمه‌یه چالیشیبلار کی، دوغرودانمی اور‌یه یول معده‌دن کئچیر؟

آراشدیرمانین نتیجه‌لری آلمانییانین مشهور "دئر ایشپیئگئل" ژورنالین‌دا نشر اولونوب.

آخی باشقا بیر دئییم ده وار کی، سئوه‌ن اینسانلار عادی هاوا ایله ده قیدالانیب دویا بیلیرلر. سئوه‌ن اینسانلاردا فنیلئتیلامین هورمونو داها چوخ اولور کی، بو دا ایشتاهین قارشی‌سینی آلیر.

Axar.az خبر وئریر کی، اوزون مدت‌لی موناسیبتلرده ایسه هر شئی باشقا جور گؤرونور: آراشدیرمالار گؤستریب کی، یئنی موناسیبته باشلایانلار تنهالارلا موقاییسه‌ده داها چکیلی اولورلار. چوخ‌دان هارمونیک موناسیبت‌ده اولانلار ایسه اؤز پارتنیورو ایله پروبلئم یاشایانلاردان داها یاخشی گؤرونورلر.

"اولا بیلر کی، بو، خوشبخت موناسیبتلرده رقابتین آزالماسییلا باغلی‌دیر. سئوه‌نده اورگانیزمین فعالیتی هم ده جین‌سی هورمونلارلا - تستوستئرون و ائستروگئنله تنظیم‌لنیر. اونلار اساساً، ایسترسین تأثیریله اؤنه چیخاراق، بیزیم معده-باغیرساق سیستمیمیزی قیجیقلاندیرماغا باشلاییر. پارتنیورا باخاندا خوشبختلیک هورمونلاری ایله بیرلیکده آدرئنالین وورولماق حسی نی یارادیر"،- رگئنسبورق اونیورسیتتی کلینیکاسینین اکسپئرتلری بو فیکیرده‌دیر.

سئوگینین گؤزو کوردورمو؟ رگنسبورق اونیورسیتتینین پسیخوسوماتیک طبابت شعبه‌سینین رهبری توماس لئو دئییر کی، وورولماق حسی بئیین‌ده دوفامین سایه‌سین‌ده یارانیر. اینسان اشیالارین معین دوزولوشونون دوغرولوغونا امین اولان‌دا هئچ بیر آرقومئنته احتیاج دویمور. بئله حال محض سئوگینین یارانماسی دؤورونده موشاهی‌ده اولونور. تخمیناً آلتی هفته بئله داوام ائدیر. "سئودیینیز آدامین سهولرینی گؤره بیلمیرسینیز" - مقاله‌ده بئله یازیلیب