ان چوخ سئویله‌ن تروزلردن بیری ده کله‌مدیر. کلمی یئمکلرده، سالاتلاردا، یعنی بیشمیش و چی شکیلده، عینی زامان‌دا تورشو حالین‌دا ایستیفاده ائدیریک.

کلم اساساً آغ، یاشیل، بنؤوشیی، قیرمیزی رنگلرده اولور. بس ساغلام‌لیق اوچون کلمین نه کیمی فایدالاری وار؟ هانسی کلم داها فایدالیدیر؟

متخصصلر حساب ائدیر کی، کله‌م یوکسک ویتامین، مینئرال، آنتی‌ اوکسیدانت منبعی‌دیر. یئمکلرده، سالاتلاردا بول ایستیفاده ائدیله بیلر، کلم تورشوسو باغیرساقلار اوچون داها فایدالی ساییلیر.

تورکییه‌نین قارا دنیز بؤلگه‌سین‌ده مشهور اولان "کارالاهانا" آدلاندیریلان کله‌م نؤعونون دیگر کلملردن داها فایدالی اولدوغو بیلدیریلیر. بو کله‌م خرچنگه قارشی اولان قیدالار آراسین‌دا اؤنده گلیر.

Axar.az خبر وئریر کی، بروکسل کلمی هم خرچنگی اؤنله‌مک قابیلیتینه مالیکدیر، هم ده آریقلاماق اوچون فایدالیدیر.

کلمین ترکیبین‌ده داها چوخ قان لاختالان‌دیرما قابیلیتینه مالیک ک ویتامینی وار. قان‌دا کالسیوم سوییه‌سینی نورمایا سالاراق سوموکلرین گوجله‌نمه‌سینه تأثیر ائدیر.

بو تروزین اورک خسته‌لیکلرینین قارشی‌سینین آلینماسین‌دا دا رولو وار. کله‌م داها چوخ ج ویتامینی ایله ده زنگین‌دیر. بو ایسه سوموک، از‌له، قان دامارلاری اوچون چوخ فای‌دالی‌دیر. قیرمیزی کله‌مین ترکیبین‌ده آغ کله‌مله موقایی‌سه‌ده ۳۰ فایز داها چوخ ج ویتامینی وار.

کله‌م همچینین ترکیبین‌ده اولان ب ویتامینی سایه‌سین‌ده ائنئرژی مئتابولیزمینی نیزاملاییر، کیلو ایتکی‌سینه سبب اولور.

کله‌م گوج‌لو آنتی‌وکسیدانت تأثیره مالیک‌دیر. بونونلا دا اورقانیزم‌ده چاتیشمازلیغا سبب اولان و "سربست رادیکاللار" آدلان‌دیریلان مولئکوللاردان هوجئیره‌لریمیزی قورویور. "سربست رادیکاللارین" اورقانیزم‌ده چوخ‌لوغو ایسه دامارلاردا چاتیشمازلیغا سبب اولاراق اورک خسته‌لیکلری ریسکی یارادیر.

قیرمیزی کله‌م آنتوسیانینله زنگین‌دیر و اونا قیرمیزی رنگ وئره‌ن ده بو مادده‌دیر. آنتوسیانین سایه‌سین‌ده اورک-دامار خسته‌لیکلری ریسکی آزالیر، قان تضییقی دوشور.

یوکسک قان تضییقینین قارشینی آلماق اوچون ده کله‌م معجزه‌لی تروز ساییلیر.

کله‌م ترکیبین‌ده‌کی پوتاسیوم سایه‌سین‌ده قان دؤورانینی تنزیملییر. گون عرضین‌ده اورتا بوی‌لو قیرمیزی کله‌مین یاری‌سینی یئمک، اورقانیزم اوچون طلب اولونان پوتاسیومون ۱۲ فایزینی الده ائتمک دئمک‌دیر.

کله‌مین ترکیبین‌ده‌کی بیر سیرا بیرلشمه‌لرین (ایندول و ایزوتیوسیانات) ایسه تیروید وزینین خسته‌لیکلرینه یول آچا بیلجیی احتیماللاری دا وار. اما بیلدیریلیر کی، کله‌مین بیشیریلمه‌سی زامانی اوچوجو اولان بو مادده‌لرین میقداری آزالیر. اونا گؤره ده زوب خستلیین‌دن اذیت چکه‌نلر کله‌می چی یئمک‌دن چکینملیدیرلر.