آشاغی‌دا آدلاری قئید اولونان قیدالاری داوام‌لی اولاراق قبول ائتمک اینسان دری‌سینین گؤزللشمه‌سینه سبب اولور.

۱. کتان توخومو

کتان توخومونون ترکیبی اومئقا-۳ یاغی ایله زنگین‌دیر. هر گون کتان توخومو یئمک درینی گنجلشدیریر، دری خسته‌لیکلرینی ساغال‌دیر و اینسانی یاشین‌دان جاوان گؤستریر.

۲. قیرمیزی رنگ‌لی مئیوه‌لر

Axar.az خبر وئریر کی، درینیزین گنج و طراوت‌لی اولماسینی ایستییرسینیزسه، او زامان هر گون قیرمیزی رنگ‌ده اولان مئیوه‌لردن یئیین. ان چوخ ایسه یابانی یئمیشان، چیلک و بؤیورتکه‌ن یئمک درینین گؤزللشمه‌سینه سبب اولور.

۳. گونباخان یاغی

گونباخان یاغی ائ ویتامینی ایله زنگین‌دیر. اورقانیزم‌ده ائ ویتامینین نورمال میقداردا اولماسی ایسه درینین گون شوالارین‌دان قورونماسی دئمک‌دیر. متخصصلر یولاف ازمه‌سی ایله گونباخان یاغی قاریشیمین‌دان حاضرلانان ماسکانین اوز دری‌سی اوچون فای‌دالی اولدوغونو قئید ائدیرلر. بو ماسکادان ایستیفاده ائدرکه‌ن ایسه دقت‌لی اولماق لازیم‌دیر، چونکی نورمادان چوخ تطبیق ائدیلمه‌سی درینین یاغلانماسینا سبب اولا بیلر.

۴. شوکولات

شوکولاد اینسان دریسی اوچون چوخ فای‌دالیدیر. شوکولاد نینکی اینسان اورگانیزمی اوچون فایدالی ساییلیر، او حتی درینین گؤزل گؤرونمه‌سی اوچون ده لازیملی قیدالاردان حساب ائدیلیر. کئیفیت‌لی و نورماسین‌دا قبول ائدیله‌ن شوکولات دری سیزاناقلارینین عمله گلمه‌سینه سبب اولمور.

۵. شیرین کارتوف

شیرین کارتوفون ترکیبی آ و ج ویتامینلری ایله زنگین‌دیر. اونون سویونو درییه سورتمک درینین گؤزللشمه‌سینه سبب اولور.

۶. پومیدور

پومیدور اؤز آنتی‌وکسیدانت ترکیبی ایله درینی گؤزللشدیریر.

۷. قاتیق

داواملی اولاراق درییه یاغ‌لی قاتیق سورتمک قیریشلارین آرادان قالخماسینا سبب اولور.

۸. قیرمیزی بیبر

هر گون بیر عدد قیرمیزی بیبر یئمک گونده‌لیک ج و ب۶ ویتامینینه اولان احتیاجین اؤد‌نمه‌سینه سبب اولور.

۹. سومون بالیغی

بو بالیق اتینین ترکیبی د ویتامینی ایله زنگین‌دیر. هر گون بیر تیکه سومون بالیغی یئمک دری، اورک و بئیین اوچون چوخ فای‌دالی‌دیر.

۱۰. ایسپاناق

ایسپاناغین ترکیبی ائ، آ ویتامینلری، فول تورشوسو، ماقنئزیوم و س. زنگین‌دیر. بعضی جیلد پروبلملری یاشایانلارا داواملی اولاراق ایسپاناق یئمک مصلحت گؤرولور.