سیگارئت، قیدا علاوه‌سی، یانلیش قیدالانما، حرکتسیز حیات، رادیاسییا، هاوا چیرکلیلیگی، موختلیف توکسینلر و گنئتیک سببلر خرچنگین یارانماسیندا ان باشلیجا فاکتورلاردیر.

Axar.az خبر وئریر کی، اونکولوقلار خرچنگین یارانما و اینکیشاف ریسکینی آرتیران سببلری بئله آچیقلاییب.

خرچنگ ندیر و سیمپتوملاری نلردیر؟

خرچنگ بیر اورقان و یا توخوماداکی حجیره‌لرین نیظام‌سیز شکیل‌ده بؤلونوب چوخالماسی میدانا چیخان پروسسه دئییلیر. عمومی معنادا ایسه خرچنگ ووجودوموزون موختلیف بؤلگه‌لرین‌ده‌کی حجیره‌لرین نظارتسیز شکیلده چوخالماسی ایله عمله گلن ۱۰۰-دن چوخ خسته‌لیک قروپودور. چوخ چئشیدلی خرچنگ تیپلری اولماسینا رغما، هامی‌سی آنورمال حجیره‌لرین نظارتسیز شکیلده چوخالماسی ایله باشلاییر.

اینسان بده‌نین‌ده‌کی ساغلام حجئیره‌لرین بؤلونبیلمه قابیلیتینه صاحیبدیرلر. آنجاق عضله و سینیر حجیره‌لرینده بو خصوصیت یوخدور. اؤلن حجیره‌لرین یئنی‌لنمه‌سی و یارالانان توخومالارین برپا ائدیلمه‌سی مقصدیله بو قابیلیتلریندن ایستیفاده ائدیرلر. حیاتین ایلک ایللرینده حجیره‌لر داها سرعتلی شکیلده بؤلونورلر. یاش کئچدیکجه بو پروسئس سرعتینی آزالدیر. لاکین حجیره‌لرین بو قابیلیتی محددودور. سونسوز شکیلده بؤلونه بیلمیرلر. هر حجیره‌نین حیاتی بویونجا بیر بؤلونبیلمه سایی واردیر. ساغلام هوجئیره نه قدر بؤلونه بیلجیینی و نه زامان اؤلجیینی بیلیر. بونا هوجئیره‌نین پروقرام‌لی اؤلومو دئییلیر. نورمال‌دا، بدنین ساغلام و دوزگون ایشله‌مه‌سی اوچون حجیره‌لرین بؤیومه‌سی، بؤلونمه‌سی و داها چوخ حجیره ایستحصال ائتمه‌سی مجبوریتی واردیر. بعضا بونا رغما، پروسئس یولوندان چیخار، یئنی حجیره‌لره گرک اولمادان بؤلونمه‌یه داوام ائدر. شعورونو ایتیرمیش خرچنگ حجیره‌لری نظارتسیز شکیل‌ده بؤلونر و چوخالار. آرتیق حجیره‌لر شیش شکلینده ییغیلار. بو شیشلر بدخاصه‌لی و یا خوش خاصه‌لی اولور. خوش خاصه‌لی شیشلر خرچنگ دئییل. بو شیشلر تئز-تئز عملیاتلا گؤتورولر و چوخ زامان تکرارلانمازلار.

اصلین‌ده خرچنگین قارشی‌سی آلینا بیلر. ارکه‌ن دیاقنوز قویولار و معالیجه اولونار. هر هانسی ساغلاملیق شیکایتی اولمایان اینسانلاردا خرچنگین سیمپتوملاری اولمادیغی حال‌دا بعضی تستلر ائدیله‌رک سیمپتوملارین عمله گلمه‌سیندن ۲ ایل اؤنجه ائرکه‌ن خرچنگ دیاقنوزو قویماق مومکوندور.