عالیملر بدنیمیزین تخمیناً یوز هورمون ایستحصال ائتدیینی و اونلاردان ۶-سینین قادین ساغلاملیغی و گؤزللیگی اوچون واجیب اولدوغونو ایضاح ائدیر. بو ۶ هورمون درینیزین الاستیکلیینی برپا ائدیر و احوال-روحییه‌یه گؤره جوابدئه‌لیک داشیییر. آنجاق بعضی حاللاردا هورمون سوییه‌سی آزالیر و ارکه‌ن یاشلانما باشلاییر. بس بو هورمونلاری نئجه قورویا بیلریک؟

Axar.az اوخوجولاری قادینلارین ائرکه‌ن یاشلانماسینا سبب اولان ۶ عاملله تانیش ائدیب.

ائستروگئن

ائستروگئن فیبروبلاست حجئیره‌لرینین کوللاگئن و ائلاستین ایفرازینا سبب اولور. بو هورمونون سوییه‌سی آزالدیق‌دا قیریشلار گؤرونور، اوزون اووال شک‌لی پوزولور و دؤشلر ساللانماغا باشلاییر. ائستروگئن سوییه‌سینین آشاغی اولماسی ایله بدن سرعتله قوجالماغا دوغرو گئدیر.

ائستروگئن نئجه آرتیر؟

عالیملر دئییر کی، ات محصوللاری ائستروگئن ایفرازینی بوغور. اودور کی، حیوان زولاللاری ایستیفاده‌سینی آزالتماق فایدالیدیر. اونلارین عوضینه سویا پئندیری، سویا سودو، قهویی دویو، کتان توخومو، تزه تروز و مئیوه‌لر یئیین.

بیان کؤکلو سئروم و کرئملر یاشلانما ایله موباریزه آپاریر، چونکی ترکیبین‌ده کوللاگئنین ایفرازینی تعمین ائد‌ن آنتی‌وکسیدانتلار وار.

بؤیومه هورمونو (سوماتوتروپین)

سوماتوتروپین سوییه‌سی آزالدیق‌دا اعضله‌لر ضعیفلییر و قیریشلار یارانماغا باشلاییر. بونونلا بیرلیک‌ده احوال‌دا پوزولمالار میدانا گلیر و بدنین گوجو آزالیر.

بؤیومه هورمونلارینین سوییه‌سی طبیعی اولاراق نئجه آرتیر؟

فیزیکی فعالیت

مشق بو نقطه‌ده بؤیوک اهمیت داشیییر. گزمک و یا قانتئلله مشق ائتمک فایدالیدیر. بونونلا یاناشی، ساونایا گئتمک و دوش آلماق سوماتوتروپین سوییه‌لرینی داها دا آرتیریر.

دهئا (دهیدروئپیاندروستئرونئ)

دهئا ساکیتلشدیریجی و قوجالما علیهینه هورمون‌دور. بو هورمونو بدن یالنیز ۳۰ یاشا قدر ایفراز ائدیر. دهئا دوشمه‌یه باشلایاندا، دامارلار داها حساس اولور و دری الاستیکلیینی ایتیریر.

دهئا طبیعی اولاراق نئجه یوکسلیر؟

پهریزه ساغلام یاغلار علاوه ائدین. فیندیق، کتان توخومو، یاغلی بالیق و آووکادو دویمامیش یاغ تورشولارینی احتیوا ائدیر. ووجودوموز اونلاردان دهئا ایفراز ائدیر. سحر یئمیین‌ده هر زامان زولال یئیین.

سحر یئمیینده زولال ایفرازی احوال دییشیکلیکلرینه قارشی موباریزه آپاریر و سینیر سیستمینیزی بالانسلاشدیریر.

مئلاتونین

مئلاتونین گونده‌لیک ریتملری تنظیملییر و سیزه استراحت ائتمک واختی اولدوغونو خاطیرلادیر. بو پروسئس یوخو زامانی باش وئریر و بوتون حجئیره‌لر یئنی‌لنمه‌یه باشلاییر. اگر مئلاتونین هورمونو دوشمه‌یه باشلاییرسا، بدن ده واختین‌دان اول قوجالماغا دوغرو گئدیر. بوندان علاوه، قیریشلارین، ساچ تؤکولمه‌سینین و پیقمنت لکه‌لرینین میدانا گلمه‌سینه گتیریب چیخاریر.

مئلاتونین سوییه‌سی نئجه آرتیر؟

بانان، پومیدور، دویو و قارغی‌دالی یئیین. آلکل‌دان، سیگارت‌دن و چوخ‌لو کوفین احتیوا ائد‌ن محصوللاردان چکینین. اونلارین ایستیفاده‌سی مئلاتونین هورمونونو آزالدیر و ایفرازینی دایاندیریر.

کورتیزول

ایسترس هورمونو کورتیزول ائرکه‌ن یاشلانمایا سبب اولور. دری قوروماغا و قابیق وئرمه‌یه باشلاییر. دریده قیریشلار، یاغلیلیق و سیزاناق کیمی حاللار میدانا گله بیلر.

کورتیزول سوییه‌سینی نئجه آزالتماق اولار؟

هر گون کیفایت قدر سو ایچین.

عالیملر موسیقی تئراپییاسینین ایسترس سوییه‌سینی آزالتدیغینی دئییر.

مئدیتاسییا دا بدنینیزین کورتیزول سوییه‌سینی درمانسیز آزالتماغا کؤمک ائدیر.

اینسولین

اینسولین قانداکی گلوکوزا سوییه‌سینی آرتیریر. اونون پوزولماسی ائرکه‌ن یاشلانما علامتلرینی اورتایا چیخاریر. شکر میقدارینین یوکسلمه‌سی قیریشلارین یارانماسینا گتیریب چیخاریر.

درینی حدین‌دن آرتیق شکردن نئجه قورویا بیلرسینیز؟

آ ویتامینی اولان کرئملر و سئروملار درینیزده کوللاگئن ایفرازینی آرتیریر. ترکیبین‌ده ج، ائ ویتامینلری اولان محصوللاردان و یاشیل چای‌دان ایستیفاده ائتمه‌یه دقت یئتیرین.

قیش‌دا بئله گونش کرمی ایستیفاده ائدین. گونش شعالاری ائلاستین لیفلرینی محو ائد‌رک یاشلانما پروسسینی سورعتلندیریر.