عادتا ووجودونوزون فونکسییالارینین نئجه ایشلدیینی بیلمک اوچون بیر چوخ تئست ائتمک و آنالیزلر وئرمک لازیم گلیر. برازیلییالی عالیم کلاودیو گیل آراووژو ائله بیر تست تکلیف ائدیب کی، او، بو تستین بدنین هانسی یاش‌دا اولدوغونو معین ائتمه‌یه ایمکان وئردیینی ادعا ائدیر. چوخسایلی آراشدیرمالار گؤستریب کی، تست حقیقتا ایشه یاراییر.

Axar.az خاریجی مطبوعاتا ایستینادا خبر وئریر کی، تست چوخ ساده‌دیر. بونون اوچون ساده‌جه اوتورماق و دورماق لازیمدیر.

۱. آیاقابیلاری چیخاریب آیاقلارینیزی چارپاز ائدین. مشقین اولینده سیزین ۱۰ خالینیز وار.

۲. داها سونرا بارداش قوروب اوتورون. بو زامان هئچ کیمدن و هئچ ندن دستک آلماق اولماز. اگر ال، دیز و یا آیاغینیزلا اؤزونوزو دستکلیرسینیزسه، بیر خالینیزی ایتیریرسینیز. سیز بو شکیل‌ده اوتورماغی باجاریرسینیزسا، آنجاق بالانسینیزی ایتیریرسینیزسه، یاریم خالینیز ایتیریلیر.

۳. آیاقلارینیزی چارپاز ائد‌رک یئرده بیر مدت بارداش قوروب اوتورماغا داوام ائدین. ایندی ایسه هئچ بیر دستک‌سیز آیاغا قالخماغا چالیشین. اگر ندن‌سه دستک آلاراق آیاغا قالخماغا چالیشسانیز، سیز داها بیر خال ایتیریرسینیز.

۴. بئله بیر ساده تستین نتیجه‌لرینه اساساً، ساغلاملیق وضعیتینیزی آسانلیقلا معین ائده بیلرسینیز.

نتیجه‌لر

۸-۱۰ بال

یاخشی گؤستریجیدیر. ساغلام حیات طرزی سورورسونوز و ووجودونوز یاخشی وضعیت‌ده‌دیر. صحتینیز قایداسین‌دادیر.

۶ - ۷،۵ بال

پیس دئییل. اوزرین‌ده چالیشمالی اولدوغونوز چوخ شئی وار، اما بؤیوک بیر ریسک یوخدور.

۳،۵ - ۵،۵ بال

خبردارلیق سیگنالی! پروبلملر وار. نؤوبتی ۶ ایلده اؤلمک ریسکی یوخاریداکی ایکی کاتگورییا ایله مقاییسه‌ده ایکی دفعه یوکسک‌دیر.

۰ - ۳ بال:

وضعیت پیس‌دیر! بو، جدی بیر خبردارلیقدیر! سیز چوخ پیس وضیعتدسینیز و نؤوبتی ۶ ایل عرضین‌ده اؤلمک ریسکی ایلک کاتگورییا ایله موقاییسه‌ده ۵ قات داها چوخدور.

البته کی، بئله بیر تست معین خسته‌لیکلری اولان اینسانلار اوچون اویغون دئییل. بونا باخمایاراق، اونو سیناماق ماراقلیدیر.

ایلک ایکی کاتگورییادان اولان اینسانلار ساکیت اولا بیلرلر. آنجاق آلت قروپلارا عایید ائدیلیرسینیزسه، چوخ گئج قالمادان ساغلاملیغینیزی جدی شکیلده نظردن کئچیرمک یاخشی اولاردی.