تکجه تزه دئییل، قورو میوه‌لرین یئییلمه‌سینین ده اینسان ساغلاملیغینا مثبت تأثیری دانیلمازدیر.

Axar.az خبر وئریر کی، علمی آراش‌دیرمالار نتیجه‌سین‌ده معلوم اولوب کی، ترکیبی آ ویتامینی ایله زنگین قایسی ایسترس و قان آزلیغینی آرادان قالدیریر، دریده‌کی پروبلملره یاخشی تأثیر گؤستریر. گون‌ده ۵ عدد قایسی یئمک اورک دامارلاری و سینیر سیستمی اوچون فایدالیدیر.

انرژی منبعی اولان کیشمیش بلغمگتیریجی خاصه‌یه مالیک‌دیر. گونده ۱۰ ادد کیشمیش یئمک تضییقی آشاغی سالیر، ایلتیهابلارا قارشی درمان واسطه‌سی کیمی ده ایستیفاده اولونور.

آلما قوروسو دا ساغلاملیق اوچون چوخ خئییرلیدیر. هر گون بیر اووج آلما قوروسو یورغونلوغو آرادان قالدیریر.

خورما آنتی‌ اکسیدانت تأثیره مالیکدیر. اورقانیزمی گوجلندیریر، خرچنگدن مدافعه ائدیر، درینین گؤزللشمه‌سی اوچون ده خورما یئمک چوخ فایدالیدیر. ترکیبین‌ده اولان ب۱ و ب۲ ویتامینلری سینیر سیستمینی قورویور.

قورو توت قان آرتیران واسطه‌دیر. حرارتی آشاغی سالماق اوچون ده تأثیرلی واسطه‌دیر. ویتامینله زنگین قورو توت ایسترسی آرادان قالدیریر و توخ ساخلاییر.

انجیر قوروسو ترکیبین‌ده یاغ و خولسترین اولمادیغینا گؤره آریقلاماق ایسته‌یه‌نلر اوچون یاخشی واسطه‌دیر، بوغاز آغریلاری اوچون ده خئییرلیدیر.