کانادانین بریتانییا کلمبییاسی اونیورسیتتین‌دن اولان عالیملر چوخ یاغلی و آز کاربوهیدرات‌لی سحر یئمیینین ایکینجی تیپ دیابئت خسته‌لرینه گون عرضین‌ده گلوکوزا سوییه‌سینی نظارت‌ده ساخلاماغا ایمکان وئرجیینی آیدینلاشدیریب.

Axar.az خبر وئریر کی، تدقیقات‌چیلار کؤنول‌لولرین اوزرین‌ده ایکی گونلوک اکسپریمنت کئچیریب. اونلارا سحر یئمیینه بیرینجی گون اوملئت، ایکینجی گون مئیوه‌لی یولاف یارماسی وئریلیب. نظارت گونلرینده وئریله‌ن دیگر یئمکلر ایسه عینی اولوب. اکسپریمنت ایشتیراکچیلارینین بدنلرینه قوراشدیریلان جیهازلار هر ۵ دقیقه‌دن بیر قان‌دا اولان شکر سوییه‌سینی قیده آلیب.

سیناق زامانی یاغلی و آز کاربوهیدرات‌لی سحر یئمیی – اوملئتین دیابت خسته‌لرین‌ده قیدا قبولون‌دان سونرا یارانان شکر آرتماسینین قارشی‌سینی آلماغا کؤمک ائتدیی معلوم اولوب. بونونلا یاناشی، همین افکت بوتون گون عرضین‌ده مشاهی‌ده ائدیلیب. بو نتیجه عالیملرین اؤزو اوچون ده گؤزلنیلمز اولوب.

«بیز حساب ائدیردیک کی، ماکسیموم ۱۰ فایز کاربوهیدراتدان عبارت سحر یئمیی قان‌دا شکر آرتیمینین قارشی‌سینی آلاجاق، لاکین گلوکوزانین عمومی نظارت و ثابتلیک افکتی بیزیم اوچون گؤزلنیلمز اولدو. آز کاربوهیدراتلی و بول یاغلی محصوللارین راسیونا داخیل ائدیلمه‌سی بؤی‌رک، گؤز و دامارلار اوچون چوخ تهلوکه‌لی اولان شکر آرتماسین‌دان یایینماغین ان آسان واسطه‌سی حساب ائدیله بیلر»، - دئیه تدقیقاتین مؤلفلریندن بیری جوناتان لیتتل بیلدیریب.