معاصر دؤورون ان بؤیوک بلاسی اینترنت خسته‌لیکلریدیر. هر یاش‌دا راست گلینه‌ن بو خسته‌لییه خصوصیله ایشی کومپوتر دن آسیلی اولانلار یولوخور.

Axar.az خبر وئریر کی، نئوروپاتولوق غالیب اسدوو اینترنت خسته‌لیکلرینه داها چوخ گؤز یورغونلوقلاری، بئل آغریلاری و معین دپرسییالارین داخیل اولدوغونو دئییب.

گؤز یورغونلوغو

کومپوتر اکرانینا چوخ باخاندا گؤزلر یورولار. حتی گؤزلرینیزده یونگول آغری بئله حس ائده بیلرسینیز. گؤزونوزو اوزون مدت اکرانا توشلامانیز گؤز قورولوغونا دا سبب اولار. بونا گؤره تئز-تئز گؤزلرینیزی استراحت وئرملیسینیز. بیر قدر کومپوتردن اوزاقلاشین.

"خسته‌لیک وورغونو"

بعضی اینسانلار حس ائتدیی هر آغرینی آراشدیرماغا مئییللیدیر. "خسته‌لیک خسته‌سی" دئییلن بو کسلر اوچون اینترنت جدی بیر معلومات قایناغیدیر و داواملی اولاراق حس ائتدیکلری آغریلارین قایناغینی و سببلرینی آختاریرلار. بو وضعیت ده آدامی پسیخولوژی بحرانا آپاریر. جدی خسته‌لیکلرین علامتلرینی حس ائتدیکلری آغریلارلا اویغونلاشدیران بو کسلر زامان ایچینده "خسته‌لیک وورغونو" اولارلار. یعنی هانسیسا بیر آغیر خسته‌لییه توتولدوقلارینی گومان ائدیرلر.

باش آغریسی

بو آغری گؤز و بویون اوزرینده یارانان تضییقدن میدانا گلیر. آغری مدتی ۳۰ دقیقه‌دن بیر هفته‌یه قدر اوزانا بیلر. گون‌ده‌لیک خرونیکی آغریلار: گونون یاریسیندان چوخونو باش آغریسی ایچین‌ده کئچیریرسینیزسه، وضعیت خرونیکی بیر حال آلمیش دئمک‌دیر.

ایسترس آغریسی

بو آغری دا اینترنت‌دن چوخ زامان صرف ائتمکدن قایناقلانان ایسترس سببیندندیر. اوخونان اینفورماسییا، باخیلان ویدئو و یا گؤرونتو، یوران معلوماتلار و اوزون مدتلی حرکت‌سیزلیک ایسترس آغریسینا سبب اولور.

کورک آغریسی

داواملی ثابت اوتورماق کورک آغری‌سینا یول آچا بیلر. کورک اییلیر، حرکتسیزلیک باشلاییر و بو دا آغرییا سبب اولور.

فیسبوک دپرسییاسی

فیسبوک کیمی اجتماعی اونسیت شبکه‌سین‌ده چوخ دانیشماق خصوصیله گنج قیزلاری بحرانا سالا بیلر. قیزلارین پروبلملرینی دانیشا بیله‌جکلری صحبت سیستملری و اجتماعی اونسیت واسطه‌لری بیر واختلار بو قدر اینکیشاف ائتممیشدی. بونون سایه‌سین‌ده گنج قیزلار آرتیق پروبلملری حاقین‌دا داها راحت دانیشا بیلیرلر. آنجاق داواملی پروبلملر و رومانتیک دوشونجه‌لر حاقین‌دا ساعتلارلا و تکرار-تکرار دانیشماق ناراحاتلیق و بحرانا سبب اولور، اینسانی دپرسییایا سالیر.