ساچ گؤزللیین اساس علامتلرین‌ده بیری‌دیر. معاصر دؤورده قادینلارین ایسته‌نیله‌ن شکیل‌ده ساچا مالیک اولماق ایمکانلاری وار. رنگ، فورما و دوزومو سئچمک هر کسین زؤوقون‌دن آسی‌لی اولسا دا، بو مسئله‌ده ان اساسی ساچلارین تمیزلیگی‌دیر.

«ساچلارا قوللوق یویولمادان باشلاییر. یویولما زامانی هر شئیه نظارت ائتمک لازیم‌دیر. ساچین ساغلام‌لیغی اونلارین نئجه و نه ایله یویولماسین‌دان چوخ آسی‌لی‌دیر.

ساچین یویولدوغو سو نه ایستی، نه ده سویوق اولمالی‌دیر، ایلیق سودان ایستیفاده ائتمک داها یاخشی‌دیر. ایستی سو پی وزلرینین فعالیتینی اینتئنسیولشدیریر و نتیجه‌ده ساچلار تئز یاغ‌لانیر. سویوق سو ایسه چیرکی تام تمیزله‌یه بیلمیر. شامپون سئچیمینه ده دقتله یاناشماق لازیم‌دیر. بو زامان ساچلارین تیپینی دقیقلش‌دیرمک موهوم مسئله‌لردن بیری‌دیر.

اگر ساچ تئز-تئز یویولماسینا باخمایاراق یاغ‌لانیرسا، دئمه‌لی، یاغ‌لی ساچلار اوچون شامپون‌دان ایستیفاده ائتمک لازیم‌دیر. اگر ساچلار قورو، سولغون، اوجلاری هاچالی و تئز دولاشان‌دیرسا، قورو و زدلنمیش ساچلار اوچون اولان شامپون‌دان ایستیفاده فای‌دالی‌دیر. بو جور شامپونلار هم ده کیمیوی مادده‌لر و بویامادان سونرا خاراب اولموش ساچلارا دا مصلحت گؤرولور. کیمیوی تأثیره و بویامایا معروض قالمایان پاریلتی‌لی ساچلار قادین اوچون خزینه‌دیر. اونلارین ساغلام‌لیغینی ایسه موطلق قوروماق لازیم‌دیر. بئله اولان تق‌دیرده نورمال ساچلار اوچون نظرده توتولان شامپونلار اویغون گلیر. اورتا اوزونلوق‌لو ساچلار اوچون شامپونو فیندیق هجمین‌ده، اوزون ساچلار اوچون قوز هجمین‌ده گؤتورمک لازیم‌دیر. شامپون اولجه ایکی اوووجون آراسین‌دا سورتوله‌رک کؤپوکلندیریلیر و بون‌دان سونرا ساچلارا چکیلیر. کؤپوک‌لو ساچی ان آزی ۳ دقیقه یاخالاماق لازیم‌دیر.