"خرونیکی بورون توتولماسی جدی ساغلام‌لیق پروبلئملرینه سبب اولور".

آخار. آذ خبر وئریر کی، بونو تورکییه‌لی حکیم باهادیر بایکال دئییب. قولاق، بورون، بوغاز باش-بویون جراحی اولان حکیمین سؤزلرینه گؤره، سحر یوخودان اویانان‌دا باش آغریلارینین و یورغونلوغون سببی بورون تیخانیقلیغی اولا بیلر:

"گون عرضین‌ده اورقانیزمه داخیل اولان هاوا آخینین بؤیوک قیس‌می محض بورون‌دان داخیل اولور. اگر بورون توتولماسی اولسا، گون عرضین‌ده معین پروبلملرله اوزلشه بیلریک. اکثرن بورون توتولماسی جدییه آلینمیر. هالبوکی بورون توتولماسی یوخوسوزلوق، یورغونلوق کیمی عامللرله گونلوک حیاتا تأثیر ائدیر. نتیجه‌ده ایسه اورک گئنیشله‌نمه‌سی کیمی بیر چوخ جدی پروبلملره تکان وئریر."

بعضا قریپ، سویوقدیمه و سینوزیت کیمی خسته‌لیکلر اؤتری بورون توتولماسی یارادیر. حکیمین سؤزلرینه گؤره، بو وضعیت پروبلم یاراتمیر: "بورونون ایچ طرفین‌ده ایری‌لیک، بورون اتلرینین بؤیومه‌سی کیمی سببلرله یارانان خرونیکی بورون توتولماسی اورگانیزم‌ده اوکسیژن چاتیشمازلیغینا سبب اولور. نتیجه‌ده اورگانیزم منفی تأثیر آلیر.

آغجیرلریمیزه کیفایت قدر تمیز هاوا داخیل اولمایان‌دا کاربون قاضی یارانیر. قان‌دا اولان توخومالارا آز اوکسیگئن گئدیر و زامانلا اورگانیزم ضرر گؤرور. کئیفیت‌لی یوخو یاتمایان آداملاردا یورغونلوق و دقتسیزلیک، یوکسک تضییق اولور. اورکده ریتم پوزولماسی باش وئریر. معین واختدان سونرا ایسه اورک بؤیویور".

اوزمان حکیم وورغولاییب کی، خرونیکی بورون توتولماسی اولان اینسانلاردا ان واجیب علامت خورولداماق‌دیر: "همین آداملارین سحر یوخودان دوران‌دا آغیزلارین‌دا قورولوق اولور. بورونون ایچ قیسمین‌ده ایری‌لیک عادته‌ن هر هان‌سی تراوما سونراسی میدانا گلیر. آنا بتنین‌ده بئله حرکت زامانی کؤرپه‌نین بورنو تراومایا معروض قالا بیلر. دوغوم زامانی و یاخود اوشاق‌لیق واختلارین‌دا آلینان ضربه‌لر بورون ایریلیینه سبب اولور. لاکین هر بورون ایریلیگی ده توتولمایا سبب اولمور".

بورون اتینین شیشمه‌سینه تئز-تئز راست گلینیر. بو ایسه بورون توتولماسینا بیرباشا تأثیر ائدیر. نتیجه‌ده بورون تنفسونون پوزولماسینا گتیریب چیخاریر. بورون اتلرینین شیشمه‌سی حامیله‌لیک دؤنه‌مین‌ده هورمونال دییشیک‌لیک زامانی باش وئریر. داها سونرا آلرژیالار دا بورون اتینین شیشمه‌سینه سبب اولور. بورون اتی عادتا ائشیتمه‌ده ده پروبلملر یارادیر.