آنا صحیفه ساغلیق |
هر گون بول-بول سو ایچمک اینسان اوقرانیزمی اوچون اینانیلماز درجهده فایدالیدیر.
آخار. آز خبر وئریر کی، ۱-۴ فینجان آراسی سویو آجقارینا ایچرک بو فایدالارین سایینی آرتیرماق اولار.
اینسان اورقانیزمینین بؤیوک حیسهسی سودان عبارتدیر. ازلهلرین ۷۵، بئینین ۹۰، سوموکلرین ۲۲، قانین ۸۳%-i سودور. بونا گؤره ده سو حیات اوچون اوزولونمازدیر. پروبلئمسیز و ساغلام شکیلده فعالیت گؤسترمک اوچون بوتون اورقانلار سویا احتیاج دویار.
نه زامان سو ایچمهلی؟ آجقارینا سو ایچمیین فایدالاری ندیر؟
۱. سحر یئمییندن اؤنجه ۱ و یا ۲ فینجان سو ایچمک بدهنی زررلی ماددهلردن تمیزلییر و اورقانلاریمیزین احتیاج دویمادیغی ماددهلرین خاریج ائدیلمهسینه کؤمک ائدیر. بونون سایهسینده هر گونون باشلانغیجیندا سو ایچمک مئتابولیزمی سورتلندیریر، خستهلیکلره قارشی مقاومتی آرتیریر.
۲. گئجه بویو بدهنیمیز هوجئیرهلرینی تمیر ائدرک اؤزونو یئنیلمهیه چالیشیر. سحر آجقارینا ۱ فینجان سو ایچمک علاوه ماددهلرین سیدیک یولو ایله آتیلماسینی تعمین ائدیر.
۳. آجقارینا ۱ و یا بیر نئچه فینجان سو ایچمک ایسپیرتلی ایچکی، توتون، چیرکلیلیک و یانلیش قیدالانمانین بدهنیمیزده یاراتدیغی زررلی تأثیرلری آزالدیر.
۴. سو درینین ان یاخشی دوستلاریندان بیریدیر و درینین ساغلاملیغی اوچون واجیبدیر. آجقارینا ۲ فینجان سو ایچمک درینین ائلاستیکلیینی و گرگینلیینی قوروماسینا یاردیمچی اولور. درینین تئز قوجالماسینین و قیریشماسینین قارشیسینی آلیر.
۵. سحر آجقارینا سو ایچمک یاشاماق اوچون واجیب اولان اورقانلارین سو احتیاجینی قارشیلاییر و ساغلام ایشلهمهلرینه کؤمک ائدیر.
6.Acqarینا ۲-۳ فینجان سی ایچمک آرتیق چکیدن قورتولماغا کؤمک ائدیر. سو بدهندهکی توکسینلری آتماقلا یاناشی، یاغ و کالوری یاندیریر. آجلیق هیسسینین اؤهدهسیندن گلیر و چوخ یئمک یئمیین قارشیسینی آلیر.
۷. سحر سو ایچمک باغیرساقلارین اینفئکسییادان تمیزلهنمهسینه یاردیمچی اولور.
۸. آجقارینا ۱ فینجان ایلیق سو ایچمک گونه ائنئرژیلی باشلاماغین ان یاخشی یولودور. سحر یورغونلوغو و یوخونو آتیر.
۹. سحر یئمییندن اول سو ایچمک باغیرساغین هرکتلیلیینی آرتیریر و قبزلیین قارشیسینی آلیر.
۱۰. قاستریت و بنزر خستهلیکلرینیز وارسا، سو ان یاخشی کؤمکچیلرینیزدن اولا بیلر. آجقارینا ان آز ۳ فینجان سو ایچمک مدهنین تورشو سوییهسینی آشاغی سالیر و قاستریته سبب اولان آغریلاری آرادان قالدیریر.
تاریخ
2019.06.12 / 18:31
|
مولف
آیتاج آراز
|