سینوپتیکلر ۴۲-۴۳ درجه‌لیک ایستی حاق‌دا خبردارلیق ائدیر. اینسانلار ایسه گوندوز یوللاردا، ایشده، گئجه یاتان‌دا ایستی ایله نئجه موباریزه آپاراجاغینی دوشونور.

چوخو کوندینسینئری جیخیش یولو کیمی گؤرور. اما کوندینسیونئر ده هر یئرده یوخ‌دور. هئچ دوشون‌موسوزمو، قدیم‌ده ننه-بابالاریمیز یای‌دا وئنتیلیاتور، کوندینسیونئرسیز نئجه دؤزوردولر؟ اینسان ائله وارلیق‌دیر کی، هر شرایطه اویغونلاشیر. یئتر کی، بعضی سیرلری بیل‌سین.

آخار. آز خبر وئریر کی، Medicina.az بو ایستیلرله باش ائتمیین ۷ یولونو آچیقلاییر:

۱. ائوی قاران‌لیق ساخلا

پرده‌لری، ژالوزلری گئجه‌دن ائندیرین. ائوه دوشه‌ن گون ایشیغی ایچری‌ده "پارنیک ائففئکتی" یارادیر. اگر بونون قارشی‌سینی آلساز، ائو ایستی‌دن یانماز، کیفایت قدر نورمال تئمپئراتور اولار.

۲. ائوی گئجه‌دن سویودون

بوتون گئجه بویو پنجره‌لری آچیق قویون، قاپیلاری تورلو قاپی ایله اوز ائدین. سرین گئجه هاواسی ائوی سویودور و بو تئمپئراتور گوندوز ده نورمادا قالیر. خصوصاً یئلچکه‌ن‌لی ائولرده بو الا ائففئکت وئریر. بینا ائوین‌ده یاشایانلار دهلیزه، بلوکا آچیلان قاپینی دا آخشام ۱-۲ ساعت‌لیق آرالی قوی‌سا، ائو کیفایت قدر نفس آلاجاق.

۳. گئن، بوش، آچیق رنگ‌لی گئییملر سئچین

ایستی یای گونلری جینس، قارا شالوار، دار گئییملر، توند رنگلر سیزی چوخ ترله‌ده‌جک. سینتئتیکانی اونودون. طبیعی پامبیق، کتان، کروژئوا، ایپک ماتئریال سئچین. چالیشین اوزرینیزده گئییم مینیموم اولسون.

۴. هین‌دولار و عربلر کیمی ائدین

اونلارین بیر تریوکو ایشه یاراییر. نازیک دسمال، یای‌لیق و یا پامبیق پارچانی سودا ایسلادین، یاخشیجا سیخین و توربان، چالما کیمی باشینیزا ساریییب، بوینونوزدا باغلایین. درهال نئجه سرینلدیینیزی گؤره‌جک‌سیز.

۵. فیرونلارین سیرری

بیلیرسیزمی، ایستی، بورکولو مصر گئجه‌لرین‌ده کوندینسیونئری اولمایان فیرونلار و سارای اهلی نئجه یاتیردی؟ ملفه‌نی سویوق سودا ایسلادیب، برک سیخیب، اونا بورونوب یاتاردیلار. ملفه سولو یوخ، نم اولمالی‌دیر. بو اصول راحت یوخویا گئتمه‌یه کؤمک ائدیردی. اگر یاش ملفه ایستهمیرسیزسه، اوندا ایسلاق جورابلار گئیینین.

۶. ایشیقلاری، تئکنیکانی سؤن‌دورون

یای‌دا آخشاملار آز لامپا یان‌دیرین، بوتون تئکنیکانی ائلئکتریک‌دن آییرین. بونلار ایستی‌لیک وئریر. کونج‌ده زریف برا ایشیغی یئترلی‌دیر. حتی شام بئله، لامپا کیمی ایستی‌لیک وئرمیر.

۷. ایستی شوربا، چای و قهوه اولماز

قاینار گونلرده قهوه، شیرین سو، چای، ایستی یئمکلردن اوزاق دورون. بده‌نی داخیل‌دن ایسیتمیین سیزه فای‌داسی اولمایاجاق.

سویودوجودا بوز احتیاطینیز اولسون. ایچجیینیز سویا بوز آتین. حتی بوز دولو قابی آوتوموبیله قویساز، یولبویو ماشین سرین اولاجاق.