انجیر میلاددان اول بئجریله‌ن قیمت‌لی بیتکی‌دیر. ان قدیم مدنی بیتکی حساب ائدیله‌ن انجیر آغاجینی ۱۶-جی عصرین آخیرلارین‌دان تانیماغا باشلاییبلار. انجیرین هم تزه میوه‌سی، هم ده قوروسو معالیجوی اهمیت داشیییر. اونون ترکیبی آ، ب۱، ب۲، ج ویتامینلری و مینئراللارلا زنگین‌دیر.

آخار. آذ خبر وئریر کی، آذربایجان‌دا بیته‌ن انجیرین "ساری صاباحی" و یا "ساری انجیر" نؤولری خصوصیله مشهوردور. اونون خوش اتری، شیرین دادی، نازیک قابیق‌لی و ساری رنگلی میوه‌لری وار. قارا انجیرین ایریسی، ساری انجیرین خیرداسی داها کئیفیت‌لی‌دیر.

انجیر اورگانیزمه قیدا واسطه‌سیله داخیل اولان شکرین پیه چئوریلمه‌سینه مانع اولور. انجیر کیفایت قدر کالوریلیدیر. تزه انجیرین ۱۰۰ گرامین‌دا ۶۳، قورو انجیرین ۱۰۰ گرامین‌دا ۲۸۴ کالوری انرژی وار. ترکیبین‌ده کول‌لی میقداردا لیف اولدوغونا گؤره آز کالوریلی پهریزلرده اوندان ایستیفاده الوئریش‌لی‌دیر. قورو انجیرین ترکیبین‌ده ۲ گرام لیف وار و بو، گون‌ده‌لیک لیف احتیاجینین ۲۰ فایزینی تشکیل ائدیر. انجیر آریقلاماق ایسته‌یه‌نلر اوچون ایده‌آل دسرت ساییلیر. انجیرده هر ایکی - هم حل اولونان، هم ده حل اولونمایان لیف نؤوونون بیرگه اولماسی میوه‌نی چوخ اهمیت‌لی قیدایا چئویریر.

انجیرده‌کی آکتیوکسیدانتلار اورقانیزم‌ده کیمیوی رئاکسییالار نتیجه‌سین‌ده یارانان و یا کناردان قبول ائدیله‌ن زررلی مادده‌لری تاثیرسیز حالا گتیریر و حجئیره‌نین محو اولونماسینین قارشی‌سینی آلیر. انجیرده فئنولون میقداری باشقا مئیوه‌لرله موقایی‌سه‌ده داها چوخ‌دور و میکرو اورگانیزملره اؤلدوروجو تأثیر گؤستریر.

ترکیبین‌ده کال‌سیومون چوخ‌لوغونا گؤره انجیر پورتقال‌دان سونرا ایکینجی مئیوه ساییلیر. بیر کاسا قورو انجیر بیر کاسا سودله عینی میقداردا کال‌سیوم ساخلاییر. اونو اوزونموددت‌لی خسته‌لیک‌دن سونرا سرعتله ساغالماغا یاردیم‌چی اولان، گوج و قوه وئره‌ن بیر درمان کیمی ده دیرلندیریرلر.

آسقیرما، اؤسکورک و سویوقدیمه زامانی سودده بیشیریلمیش انجیرین اؤسکورک علیهینه، ترقوووجو و قیزدیرماسالیجی واسطه کیمی قبول ائدیلمه‌سی توصیه اولونور. ترکیبین‌ده دمیر مادده‌سی آلما مئیوه‌سین‌ده اولان‌دان داها چوخ‌دور و اونا گؤره ده دمیردفیسیتلی آنمییالاردا گئنیش ایستیفاده ائدیلیر.

کالیومون میقدارینا گؤره بادام‌دان سونراکی یئری توتان انجیر همین خصوصیتینه اساساً اورک دؤیونتولرینین آرتماسی و دؤش قفسین‌ده آغریلار زامانی ایستیفاده اولونور. انجیرین ترکیبین‌ده اولان مادده‌لر قاندورولاشدیریجی تأثیر گؤستریر، دامارلاردا قانین ترومبلاشماسینین قارشی‌سینی آلیر.