آنا صحیفه ساغلیق |
چوخ اینسانلار ایستر الکترون، ایستر عادی تضییق آپاراتی ایله آرتئریال تضییقی اؤزلری اؤلچدوکده بو سهولری ائدیر. قایدالاری بیلمهمک و دوزگون اؤلچمهمک تضییقی یانلیش گؤستریر و درمانین دوزاسینی دوزگون سئچمهیه مانع اولور. بو ایسه تهلوکهلی اولا بیلر.
آخار. آذ تضییق اؤلچرکن یول وئریلهن ۵ سهوی تقدیم ائدیر:
۱. بیر قولدا اؤلچورسوز
بو، آشاغی رقم وئره بیلر و اینسانی چاشدیرار. قایدایا گؤره، تضییق هر ایکی قولدا آردیجیل اؤلچولمهلیدیر. عادتا بیر قولدا تضییق او بیریندن آشاغی اولور. حل ائدیجی رقم یوکسک اولان رقمدیر.
ائلجه ده خستهده هیپرتونییا دیاقنوزونو دقیقلشدیرهنده مونیتورینق آپارارکن هر ایکی قولدا آپاریلیر. هانسی قولدا تضییق چوخ واخت یوکسک اولورسا، گلهجکده ائله قولدا اؤلچمک کیفایتدیر
۲. مانژئت یا بوشدور، یا دا چوخ سیخیر
بو دا یالانچی نتیجه وئریر. تضییق اولدوغوندان یوکسک چیخیر. ائلجه ده لازیم اولدوغوندان چوخ سیخماق دا یوخاری تضییقی آشاغی، آشاغی تضییقی ایسه یوخاری گؤسترهجک.
۳. قول گئییمین آلتیندا سیخیلیر
چوخ واخت تضییقی اؤلچنده پالتارین قولونو یوخاری چکیب چییندن قولو سیخیرسیزسا، بو زامان تضییق اولدوغوندان یوکسک گؤسترهجک. نازیک کؤینک، کوفتادا حکیملر قولو چیرمهلهمهدن، ائله اوستدن مانژتی باغلاماغی تؤصییه ائدیر.
۴. یئدیکدن سونرا تضییقی اؤلچورسوز
اورگانیزم قیدا قبول ائتدیکدن سونرا قان هزم اورگانلارینا توپلانیر کی، قیدانی پارچالاسین. بو زامان تضییقی اؤلچنده اولدوغوندان آشاغی گؤسترهجک بو دا یانلیشدیر. اونا گؤره قیدادان اول و یا ۱ ساعت سونرا اؤلچون.
۵. چای، قهوه و ایچکیدن سونرا اؤلچورسوز؟
بونلاری ایچدیکده تضییقی اونسوز دا قالدیریر، دامارلاری گئنیشلندیریر. اما الکللو ایچکینی ایچدیکدن سونراکی ۳۰ دقیقهده دامارلار گئنیشلنیر، تضییق بیر آز آشاغی دوشور. اما سونرا اولدوغوندان دا یوخاری چیخیر. اونا گؤره بو ایچکیلردن بیر قدر سونرا تضییقی اؤلچون.
تاریخ
2019.10.14 / 22:57
|
مولف
Axar.az
|