حددن آرتیق یوکله‌نمه‌لر، یوکسک ایسترس و یاشلانما – بوتون بونلار بیزیم یادداشیمیزی ضعیفله‌دیر. خوشبختلیک‌دن ائله ایچکیلر وار کی، اونلار بو پروسسی لنگیتمه‌یه ایمکان وئریر.

آذرتاج همین شیره‌لرین سیاهی‌سینی تقدیم ائدیر:

کؤک شیره‌سی. کؤکو یالنیز سالات و شوربالارا قاتماقلا اوندان ایستیفادنی محدودلاش‌دیرماق لازیم دئییل. بو تروزین ترکیبین‌ده اولان بئتا-کاروتین یادداش اوچون چوخ فای‌دالی‌دیر. بو اوکسیدانت ایلتیهاب‌دان مدافعه ائدیر و اینتئللئکتی محکملتمه‌یه شرایط یارادیر. بوندان باشقا، کؤک شیره‌سی طبیعتینه گؤره شیریندیر، گون عرضین‌ده ۱-۲ ایستکان ایچمک سیزه خوش گلر.

تومات شیره‌سی. تومات دونیانین بیر سیرا میللی مطبخین‌ده اساس اینقرئدیئنتلردن‌دیر. پومیدورون ترکیبین‌ده بئیین هوجئیره‌لرینی مدافعه ائد‌ن آنتی‌وکسیدانت – لیکوپین مؤوجوددور. او، همچینین آرتئریال تضییقی آشاغی سالیر، درینین ساغلام‌لیغینی و پارلاقلیغینی قورویوب ساخلاییر. نهایت، پومیدور آ و ج ویتامینلرینین زنگین منبعیی‌دیر.

نار شیره‌سی. بئیین حجئیره‌لرینین فعالیتی اوچون اوکسیژن و نوتریئنتلر (قیدا ماده‌لری) طلب اولونور. نار شیره‌سی قان دؤورانینین یاخشیلاشماسینا و بئینین قانلا تأمیناتینا شرایط یارادیر. دئمه‌لی، بیر ایستکان نار شیره‌سی چوخ فایدالی‌دیر.

چوغوندور شیره‌سی. بو شیره ده اوکسیژن و نوتریئنتلرله زنگین قانین بئینه اؤتورولمه‌سینی تعمین ائدیر. بون‌دان باشقا، چوغون‌دور شیره‌سی ترکیبین‌ده‌کی آزوت اوکسیدلری سایه‌سین‌ده بئینی یاخشی وضعیت‌ده ساخلاییر و یادداشی محکملندیریر. همچینین آرتئریال تضییقی آزال‌دیر.

گیله مئیوه‌لی سموزی. موختلیف گیله مئیوه‌لرین ترکیبین‌ده فایدالی کومپونئنتلر مؤوجوددور. بونلار هم ده سموزی اوچون چوخ دادلی کومپونئنتلردیر. بو ایچکینی حاضیرلایارکه‌ن بیر دفعه‌یه گیله مئیوه‌نین بیر نئچه نؤعون‌دن ایستیفاده ائدین.