سئروتونون هورمونو اینسانا خوشبخت‌لیک، جان‌لی‌لیق وئره‌ن بیر نئیروستیمولیاتوردور. سئروتونین چاتیشمازلیغین‌دا اینسان اؤزونو یورغون، ازگین، حال‌سیز هیسس ائدیر. بو هورمون بئیین هوجئیره‌لرینین بیر-بیرینه اؤتوردوکلری سیقناللارین مرکزه چاتماسینی تنزیملییر.

سئروتونین بئیین‌ده عمله گلیر و اورادان بده‌نین لازیم اولان نقطه‌لرینه اؤتورولور. عادته‌ن سئروتونین مده-باغیرساق و مرکزی سینیر سیستئمینه تأثیر ائدیر. مرکزی سینیر سیستئمین‌ده اولان سئروتونین اینسانین روح حالینی، یوخوسونو، ایشتاهانی، علمه اولان هوه‌سینی، حافیظه‌سینی، جین‌سی و سوسیال داورانیشلارینی تنزیملییر. روحی خسته‌لیکلر زامانی ایستیفاده اولونان درمانلارین بعضیلرینین ترکیبین‌ده سئلوتونین هورمونو اولور. بو درمانلارین ترکیبین‌ده اولان سئروتونین اورقانیزم طرفین‌دن سورولاراق خسته‌ده آز میقدار اولان سئروتونینین میقدارینی داها دا آرتیریر و روحی خسته‌لیکلرین ساغالماسینا سبب اولور. چونکی سئروتونین چاتیشمازلیغی دئپرئس‌سییایا، دقت‌سیزلییه، پانیکایا و حدین‌دن آرتیق اسبی‌لییه سبب اولور. بزه‌ن سئروتونینین چاتیشمازلیغی ایسترئسس و شکر آزلیغین‌دان دا باش وئره بیلیر. بو زامان بعضی طبیعی قیدالارلا اونو برپا ائتمک اولور. ترکیبین‌ده سئروتونین اولان قیدالار آشاغی‌داکیلاردیر:
- شوکولاد
- پئن‌دیر
- پورتاغال
- نارینگی
- سود.
سئروتونینله یوخو آراسین‌دا اولان عکس تناسوبون اولماسی هله ده تیببه آیدین دئییل. بئله کی، سئروتونین هورمونو گوندوزلر آرتیر و اینسانین حیاتینی بیر دوزه‌نه سالیر. اما گئجه‌لر سئروتونینین میقداری آزالیر، مئلاتونینین میقداری آرتیر. مئلوتونین هورمونو بیزیم یوخوموزون نورماللاشماسینی تعمین ائدیر.

سئروتونین هورمونو اورقانیزم‌ده نورمال میقداردا اولدوق‌دا اینسانین حیاتا اولان هوه‌سی آرتیر و او اؤزونو خوشبخت حساب ائدیر. بو سبب‌دن ده اونا خوشبخت‌لیک هورمونو آدی وئریبلر.