اردبیل اوستانین‌دا ایل عرضین‌ده ۳۰۰-۳۵۰ نفر معده خرچنگینه توتولورلار.

بو سؤزلری اردبیل اوستانینین معده-باغیرساق خسته‌لیکلری آراشدیرما و نظارت مرکزینین رئیسی دوکتر فرهاد پورفرزی دئییب.

«ایندیدک ۳۵-۷۰ یاش آراسین‌دا اولان ۱۸ مین ۲۰۰ نفر معده آغریلاری شیکایتی ایله مرکزه مراجعت ائدیبلر. اردبیل استانین‌دا معده آغری‌سی سببی ایله مرکزه گلنلره بیرینجی دفعه ضدی ایلتیهاب اوچون آسپرین یازیلیر، قان آنالیزی آلاراق ایلین سونونا قدر پاتولوژی دییشیکلری معینلشیر. اردبیل اوستانین‌دا اهالینین یوزده یئتمیشینین مده‌سین‌ده باکتئرییا وار کی، بو دا مده خرچنگینه توتولماق‌دا بؤیوک رول اویناییر. هم ده اوستان‌دا مده خرچنگینه توتولماق‌دا گئنئتیک عامللرین رولو یوکسک سوییه‌ده‌دیر»، – پورفرزی بیلدیریب.

اردبیل‌ده مده-باغیرساق خسته‌لیکلری آراش‌دیرما و نظارت مرکزینین متخصصلرین‌دن اولان هزرتی ده مؤوضوعا موناسیبت بیلدیریب:

«بو مرکزده مریضلرین دیرناق، قان و ایدرارلارین‌دان نومونه گؤتوروب، «بیو بانک» اولاراق آرشیو ائدیریک. هلیو باکتئرییا ایشلری اؤلکه‌ده تکجه بو مرکزده وار و ۱۶ پورتلوق «اووک» آپاراتی ایله خیدمت گؤستریلیر. اومید ائدیلیر کی، اؤنوموزده‌کی ۱۰ ایل عرضین‌ده اردبیل اوستانین‌دا معده و باغارسیق سرطانی یوزده ۴۰ آزالار».