آنا صحیفه ساغلیق |
ووردوغونوز اترین اوزرینیزده قالمادیغینا تعجبلنیرسینیزسه، دئمک اوندان دوزگون ایستیفاده ائتمیرسینیز. بئلهلیکله، ایستیفاده ائتدیینیز اترین بوتون گونو اوزرینیزدن اطرافا قوخو ساچماسی اوچون بعضی ایپوجلارینی تقدیم ائدیریک:
درینی نملهندیرین
آخار. آز خبر وئریر کی، هئچ بیلیردینیز کی، اتیر داها چوخ یاغلی دریده اوزون مدت قالیر؟ اونا گؤره ده اتری وورمازدان اول درینیزه نملندیریجی کرئم سورتون. خصوصیله ده اترینیزه اویغون اولان لاسیونلا بیرلیکده وورسانیز قوخو داها اوزونموددتلی اولاجاق.
دوزگون یئرلره وورون
اتیر بدهنین ایستی اولان یئرلرینه وورولدوقدا قوخوسو داها دا یاییلیر. اونا گؤره ده اونو ان چوخ نبزین ووردوغو حیسهلره، یعنی قانین دری سطحینه داها یاخین اولدوغو ناهییهلره تؤکون. اتیر داها چوخ بیلکلره، قولاقلارین آرخاسینا، بویون ناهییهسینه، دیزلرین آرخاسینا و دیرسکلره سپیلیر.
اتری داراغا وورون
هئچ واخت اتری ساچلارینیزا وورمایین، چونکی ترکیبینده ایسپیرت وار و چوخ دیرلی ساچلارینیزین قوروماسینا و کورلانماسینا سبب اولور. ساچلارینیزین اتیرلی اولماسینی ایستییرسینیزسه یا ساچلارینیز اوچون خصوصی اتیردن ایستیفاده ائدین، یا دا اتری داراغا سپیب گؤزلیین کی، ایسپیرت اوچسون. داها سونرا زیان وئرمهدن ساچلارینیزی دارایین. بو اصوللا ساچلارینیز زرر گؤرمهدن چوخ اتیرلی اولاجاق.
دوزگون اتری سئچین
اتیر و توالئت سویو عینی شئی دئییل. هالبوکی اکثریتیمیز بو بارهده هئچ دوشونموروک. اترین ترکیبینده ۲۰-۴۰% آروماتیک یاغ اولور، اونا گؤره ده داها چوخ اوزریمیزده قالیر. اتیر سویوندا (ائاو دئ پارفوم) ۱۰-۲۰%، توالئت سویوندا (ائاو دئ توالئت) ۱۰%، بدهن ایسپرئیلرینین ترکیبینده ایسه ۱-۳% آروماتیک یاغ اولور. گوندهلیک ایستیفاده اوچون یاخشی اولار کی، اتیر سویونو سئچین. لاکین پارفومونوزو اؤزل گونلر اوچون ساخلایین.
یاخشی اولار کی، اتری بارماقلارینیزین اوجو ایله نبزین ووردوغو یئرلره سورتسینیز. اما اتیر و توالئت سویونو ایسه هاوایا سیچرادیب همین اتیر دامجیلارینین آراسیندان کئچین.
اتری دوزگون واختدا وورون
اتری وورماغین ان گؤزل واختی دوش قبول ائتدیکدن درهال سونرا و یا پالتاری گئیینمزدن اولدیر. بو زامان بدهنینیزدهکی نملیک اترین یاییلماسینا کؤمک ائدیر.
ترکیبینه باخین
اترین قالیجیلیغی تکجه آروماتیک یاغلارین کونسئنتراسییاسیندان دئییل، هم ده ترکیب حیسهسیندن آسیلیدیر. ان قالیجی قوخولار شرق، بیتکی و اودونجاقدان حاضرلانان اتیرلردیر. مئیوه قوخولو اتیرلر ایسه تئز یوخ اولور، بوردا دقتلی اولون!
تاریخ
2019.10.28 / 23:35
|
مولف
Axar.az
|