ائوده نه قدر تمیزلیک آپارماغیمیزدان آسیلی اولمایاراق، باکتئرییالار بزه‌ن فرق‌لی یئرلرده قارشیمیزا چیخیر.

آخار. آذ مئدیجینا. آذ-آ ایستینادا خبر وئریر کی، گؤزلنیلمز یئرلرده توپلاشان بو باکترییالار ساغلاملیغیمیزی تهدید ائدیر. بس، خرچنگه سبب اولان بو باکتئرییالار ائویمیزین اساساً هانسی حیصه‌لرین‌ده‌دیر؟

قاب یویان سونگر

بوتون گونو تمیزلییجی واسطه‌لر ایله کؤپوکلدییمیز سونگرین میلیونلارلا باکتئرییا داشییاجاغینی دوشونممیش اولا بیلریک، اما تأسف کی، بو حقیقت دئییل. تدقیقاتلار گؤستریر کی، بیر قاب سونگرینین بیر کوادرات سانتیمئترین‌ده ۵۰ مین باکتئرییا یاشاییر. بونا گؤره بو سونگرلری هفته‌ده بیر دفعه دییشدیرمه‌لی و یا هر گون آغارتما ایله ایسلاتمالیسان.

سو کرانلاری

هر گون تمیزله‌نمه‌سی اوچون سو تؤکدویوموز بیر بؤلگه‌نین تمیز اولا بیلمیجیی تصور ائدیلمیر. آنجاق عالیملر بیر مطبخ کرانینین هر سانتیمئترین‌ده ۶ مین باکتئرییا یاشادیغینی سؤیلییر. عینی شکیل‌ده واننا اوتاغی کرانلاری بو شکیل‌ده مینلرله باکتئرییا قبول ائدیر.

کامپوتئرلر

الینیزده اولان کامپوترلری گون عرضین‌ده تئز-تئز تمیزلملیسینیز. چونکی اللرینیزله توخوندوغونوز هر یئردن باکتئرییا توپلاییرسینیز. خصوصیله کومپوتئر قارشی‌سین‌دا یئمک وردیشینیز وارسا، باکتئرییالارین سایی میلیونلارلا چاتا بیلر. تئز-تئز یالنیز کامپوتئرینیزین اکرانینی دئییل، هم ده کلاویاتورانی تمیزلملیسینیز.

خالچالار

خالچالاری نه قدر تمیزلسک ده، هر نؤو باکتئرییالارین ساخلاندیغی یئر اولدوغو فیکرینه آرتیق چوخ‌دان اؤیرنمیشیک. بو سببله بیر چوخ خالچا مارکالاری آنتی‌باکتریال خالچالار کیمی ساتیشا چیخاراراق وضعیتین قارشی‌سینی آلماغا چالیشیر. آنجاق بیلملیگیک کی، آیاقلاریمیزلا خالچامیزا هر نؤو میکروبو داشیییریق و اونلاری هر گون تمیزلملیگیک.