آنا صحیفه ساغلیق |
بئینی اینکیشاف ائتدیرمیین موختلیف یوللاری وار. موخسسیسلرین فیکرینجه، یاخشی اولار کی، والیدئینلر اوشاقلارینین بئینینین اینکیشافینا کیچیک یاشلاردان باشلاسینلار.
آخار. آز خبر وئریر کی، اوشاغین بئینینی اینکیشاف ائتدیرهجک ۵ مؤهتشهم اصول مؤوجوددور:
- اونو ویدئو-لئنته آلین، اول سسینی دینلدین، سونرا همین گؤرونتونو ایزلدین. اؤولادینیزین بئیین اینکیشافیندا بو میسیلسیزدیر. بو ویدئولاردا او اؤزونو سئیر ائدرک، هارادا سهو اولدوغونو تدریجهن سئزه بیلهجک. مثلاً، شئیر سؤیلهیهنده - داها گؤزل نئجه ائده بیلجیینی اؤزو گؤره بیلهجک.
- موتالیه ائتمهسینه و خیال قورماسینا شرایط یارادین. موتالیهنین بئیین اینکیشافیندا گؤردویو ایشلرین هجمی اینانیلمازدیر. اؤولادینیز دوشونجهلری اوخویاراق، دوشونمیی اؤیرنر. "خیاللار علمدن اوستوندور" دئیهن ائینشتئینه قولاق آساراق، اونو دا خیال قورماغا سؤوق ائدین. خیال قورماق اوشاقدا یارادیجی زکانی اینکیشاف ائتدیریر.
- اوندان حکایهلر قورماسینی ایستیین. اؤولادینیزین حکایهلر دانیشماسی فردی اینکیشاف باخیمیندان الا فورصتدیر. اوندان گونون نئجه کئچدیینی سؤروشون. دانیشماق بئینی اینکیشافی ائتدیرهن ان الا اصولدور. فکیرلرینی، دویغولارینی، ایستکلرینی دیله گتیرمکده اورکلهندیریلهن اوشاقلارین بئیین اینکیشافی سرعتلنیر.
- اوندان دانیشدیقلارینین رسملرینی چکمهسینی ایستیین. اوشاق دانیشدیقلارینی کاغیذ اوزرینه کؤچورهنده بئینین بیر چوخ نقطهسینی خبردار ائتمیش اولور و بو دا اینکیشافا دستک وئرهن یارادیجی بیر عاملدیر.
- اونا اؤزونو سئومک و اؤزونه حؤرمت ائتمک مسئلهسینده دایم دستک اولون. اؤزونو سئوهن و حؤرمت ائدن اوشاقلارین بئیین اینکیشافی چوخ سرعتلی اولور. اوندا اوشاغینیز ایناندیغی شئیلری ائتمکده و آنلاماقدا هر زامان اوغور قازاناجاق.
تاریخ
2019.11.02 / 21:36
|
مولف
Axar.az
|