قیش آیلارین‌دا ان چوخ ایستیفاده ائدیله‌ن قیدالاردان بیری ده تورشو و شورابادیر. ایشتاهانی آرتیرماق اوچون اینسانلارین اکثریتی یئمک زامانی تورشو ایستیفاده ائدیر بس بونون اینسان اورقانیزمینه تهلوکه‌سی وارمی؟ بعضی هکیملر چوخ تورشو یئمیین اینسان اوچون زررلی اولدوغونو بیل‌دیریرلر.

ماراق‌لی‌دیر، تورشولارین حقیقته‌ن ده اینسانلار اوچون منفی تأثیری اولا بیلرمی؟

آخار. آز خبر وئریر کی، تورشونون زرری فای‌داسین‌دان چوخ‌دور:

"بو قیدا نؤوونون بعضی میکروبلارا قارشی اؤلدوروجو تأثیری اولسا دا، عمومی‌لیک‌ده اینسان اورقانیزمی اوچون اولدوقجا تهلوکه‌لی‌دیر. چونکی تورشو اینسانلاردا قان تضییقینه، بؤی‌رک خسته‌لیکلرینه، قاراجیرده و دیگر اورقانلاردا پروبلئملره سبب اولا بیلر.

قئید ائدیم کی، تورشو ایله تئز-تئز قیدالانماق قان تضییقی چوخ اولان اینسانلاردا اورک دؤیونتوسونو آرتیریر. بون‌دان باشقا، تورشو و شورابالاردا اولان دوز اونورغادا، سکئلئت از‌له‌لرین‌ده و موختلیف اورقانلاردا ییغیلاراق ناراحات‌لیقلا نتیجه‌لنه بیلر".

هکیم اونو دا دئییب کی، دوز، اون و شیرنیاتلار دا اینسان اورقانیزمی اوچون اولدوقجا زررلی‌دیر.