کلستئرولو سالماق، آجلیغی آزالتماق و حتی آریقلاماغا کؤمک ائتمک کیمی بیر چوخ فای‌داسی اولان آووکادونون ۵ اینانیلماز فایداسینی سیزلرله بؤلوشوروک:

۱. توخ ساخلاییر
یاخشی یاغلار یئمک، معدنین بوشالماسینی یاواشلاتماغا کؤمک‌چی اولور، بو دا سیزی داها اوزون مدت توخ ساخلاییر و آجلیغی گئجیکدیریر. هر بیری تخمیناً ۲۹ گرام یاغ تعمین ائد‌ن آووکادو اساساً اورک ساغلاملیغینا مالیک دویمامیش یاغ تورشولارینی اؤزونده احتیوا ائدیر.

۲. آریقلاماغا کؤمک ائدیر
اکثر اینسانلاردا قیدالانما مؤوضوعسون‌دا یاغ فوبییاسی وار. احتیماللا یاغ یئمکله کؤکلدجیینیزی دوشونورسونوز. اما گئرچک بودور کی، دوغرو یاغ نؤولرینی ایستهلاک ائتمک اصلین‌ده یاخشی بیر آریقلاما ایستراتئگییاسی‌دیر. توخلوغون آرتماسینا علاوه اولاراق، آووکادو کیمی بیتکی اساس‌لی یاغلار، آریقلاما ایله علاقه‌لی اولان آنتی‌وکسیدانتلارین قبولونو تعمین ائدیر و ایلتیهابلا مباریزه آپاریر. سون زامانلاردا آپاریلان آراش‌دیرمالاردا، نیظام‌لی اولاراق آووکادو یئیه‌نلرین داها آز کالوری ایستهلاک ائتمه‌دن بئله آریقلادیغی مشاهده ائدیلیب.

۳. اوریی قورویور
آووکادونون، "پیس" لدل کلئسترولو سالدیغی و "یاخشی" هدل گکئسترولو یوکسلتدیی معلوم‌دور. هدل سوییه‌لری، هم کیشی، هم ده قادینلاردا اورک خسته‌لیگی ریسکینی آزالتماغا کؤمکچی اولان ایکیطرف‌لی تأثیردیر.

۴. سوورولمایا کؤمک ائدیر
هر هان‌سی میقداردا آووکادو یئمک، بدنین دیگر ساغلام قیدالاردان داها چوخ آنتی‌وکسیدانت سووورماسینی تعمین ائدیر. بیر آراشدیرمادا، ایشتیراک‌چیلار ۲.۵ خؤرک قاشیغی آووکادو آلدیقلارین‌دا، بده‌نلری، ۸-قات داها چوخ آلفا کاروتئن و ۱۳-قات داها چوخ بئتا کاروتئن سوووردو.

۵. یالنیز لذتلی یئمکلر اوچون دئییل
آووکادو حاقین‌داکی ان ماراق‌لی شئیلردن بیری، شیرنیاتلار دا داخیل اولماقلا بیر چوخ رسئپت‌ده ایستیفاده ائدیله بیله‌ن اولمالاری‌دیر. یئمکلرینیزه و شیرنیاتلارینیزا راحتلیق‌لیقلا علاوه ائده بیلرسینیز.