اؤزونوزو داوام‌لی اولاراق یورغون هیسس ائدیر، باشینیزی قویماغا بیر یئر آختاریرسینیزسا خرونیکی یورغونلوق سیندرومون‌دان اذیت چکیرسینیز. قیش مؤوسومون‌ده باهار یورغون‌لوغو کیمی تانینان بو کئف‌سیز حال‌دان سیز ده خلاص اولا بیلمیرسینزی‌سه، دئمه‌لی، قیدالانمادا جدی سهولره یول وئریرسینیز. متخصصلر بو یورغونلوق وضعیتینین قئیری-کافی قیدالانمادان و یا سهو تطبیق اولونان پهریزلردن قایناقلاندیغینی بیلدیریر.

آخار. آز خبر وئریر کی، گونون بیرینجی یاری‌سی شیرنیات محصوللاری یئییر داها سونرا چوخ تئز یورولدوغوموزدان شیکایت ائدیریک. اگر گون عرضین‌ده اؤزونوزو شوخ، گومراه هیسس ائتمک ایستییرسینیزسه، گونه یورغونلوق یارادان قهوه، شیرنیاتلا باشلامایین.

خرونیکی یورغونلوغون قارشی‌سینی آلان قیدالار:

بال: اوزون مدت‌لی ائنئرژی خرجله‌مه‌لی لازیم اولان حاللاردا ایشینیزه باشلامازدان یاریم ساعت اول ۱ خؤرک قاشیغی بال یئمک سیزه ائنئرژی وئره‌جک. عینی زامان‌دا بئیین و بده‌ن فونک‌سییالاری سون درجه یاخشی ایشله‌یه‌جک‌دیر.

یئرکؤکو: اورقانیزمین گوجونو و ایممونیتئتینی آرتیریر. گون‌ده ۳ یئرکؤکو یئمکله اوزون مدت گومراه قالا، عینی زامان‌دا فورمانیزی قوروموش اولاجاقسینیز.

آلما: مودهیش ائنئرژی منبیی‌دیر. آلما یئمک بده‌نی خبردار ائدیر و جانلان‌دیر. هر گون موطلق آلما یئمه‌یه دقت یئتیرین.

جعفری: ان دیرلی قیدادان بیری‌دیر. سحر یئمیین‌ده داها چوخ ایستئهلاک ائتمه‌یه دقت ائدین، بو سایه‌ده گونونوز یورغون کئچمز. گونورتا یئمیین‌ده سالاتینین ایچین‌ده، یا دا شام یئمیینین یانین‌دا بول-بول جعفری یئیین.

بانان: ائنئرژی آنباری‌دیر دئیه بیلریک. اوشاقلارینیزی مکتبه گؤندررکه‌ن اوستونه بیر آز بال تؤکولموش بانان یئدیرسه‌نیز، گونلرینین سمره‌لی کئچمه‌سینی تعمین ائدرسینیز. عینی زامان‌دا، زئهنی اینکیشافا تأثیر ائدیر. بون‌دان باشقا، لیف‌لی قیدا اولماسی سببین‌دن توخلوق هیس‌سی ده وئریر.

قاتیق: خصوصیله سویوق قیش گونلرین‌ده گوجوموزون قورونماسینا یاردیم‌چی اولور. قاتیغین فای‌دالاری سایماقلا بیتمیر.

یاشیل سالات: بو قیدا مادده‌سی بده‌نیمیزی توک‌سینلردن تمیزله‌مه‌یه کؤمک ائدیر. ائنئرژی وئریر، یورغونلوق و حال‌سیزلیغی آرادان قالدیریر.

سوغان: تراوتلندیریجی خصوصیتی ایله حال‌سیز اولدوغونوز زامانلاردا بده‌نینیزه گوج وئریر.

مرجی: اصل ائنئرژی قایناغی‌دیر. اتی اوز ائد‌ن یاخشی زولال آنباری خصوصیتی داشیییر. یورغونلوق هیس‌سینی آرادان قالدیریب ائنئرژی وئریر.

قای‌سی: داخیل‌دن و خاریج‌دن بده‌نیمیزه حیات وئره‌ن اریی سویوق قیش گونلرین‌ده قورو اولاراق یئمک چوخ فای‌دالی‌دیر. سحر اویانان‌دا ۲ قای‌سی یئییب سو ایچسه‌نیز، باغیرساقلارینیزین تمیزلندیینی هیسس ائدجکسینیز.

بالیق: نیاسین و ب۲ ویتامینی، دمیر، خروم، سئلئن و یود مینئرالی ایله زنگین اولدوغو اوچون هفته‌ده ۲-۳ دفعه یئییلمه‌لی‌دیر. بو باخیم‌دان تونا بالیغی دا اولدوقجا فای‌دالی‌دیر.