ایران‌دا معلوم اولان بوتون خسته‌لیکلرین ۵۰ فایزی ۲۰-۳۵ یاش آراسین‌دا شخصلرده راستلانیلیر.

بو سؤزلری قیچس و جین‌سی خسته‌لیکلره نظارت ایداره‌سینین مدیری، حکیم پاروین افسر کازرونی عمومدونیا ایدز (هیو ویروسو) ایله مباریزه گونو عرفه‌سین‌ده دئییب.

«ایران‌دا بو گونه قدر ایدز خسته‌لیگی اوچون قیده آلینان عمومی سایی ۴۰،۵۷۳ نفر تشکیل ائدیر. یئنی ایستاتیستیکالاردا خسته‌لرین سایی سون ایللرده آرتماغا داوام ائدیر؛ ۲۰۱۷-جی ایلده ۳۶،۵۷۱، ۲۰۱۸-جی ایلده ۳۸،۴۷۴ نفر اولوب. ۲۰۱۲-جی ایلین اولین‌ده آشکار ائدیله‌ن خسته‌لرین سایی ایسه ۲۴،۲۹۰ نفر ایدی. آشکار ائدیله‌ن خسته‌لرین ۶۰ فایزی نارکوتیک تزریقات‌دان، ۲۲ فایزی یوکسک ریسکلی جین‌سی علاقه‌دن یولوخوب. معالیجه او قدر اینکیشاف ائتدیریلمیشدیر کی، ایندی گونده بیر حب ایله ایدزین باشقالارینا کئچمه‌سینین قارشی‌سی آلینا بیلر».

قید ائدک کی، ایدز-ا یولوخانلارین ۳۱ فایزی قادین، ۶۹%-ی کیشیلردیر.

بعضی متخصص و حکیملرین، او جمله‌دن، ایدز آراشدیرما مرکزینین یوکسک وظیفه‌لی رسمیلرینین وئردیی ایستاتیستیکایا گؤره، ایران‌دا، ۷۰،۰۰۰ -۱۰۰.۰۰۰ آراسین‌دا ایدز خسته‌سی وار. لاکین بونلاردان ۶۰-۷۰%-ی تأسف کی، گیزلیدیر و ایستاتیستیکایا داخیل ائدیلمه‌ییب.