آنا صحیفه ساغلیق |
دامارلاریمیز چوخ واجیب فونکسییانی یئرینه یئتیریر - اوکسیگئن و قیدالی ماددهلری اورقانیزمین بوتون هوجئیرهلرینه چاتدیریر. بو سببدن دامارلار آچیق و ائلاستیکدیرسه اورقانلار یاخشی قیدالانیر.
عکس حالدا ایسه اورقانلار اونلارا لازیم اولان اوکسیگئن و ماددهلری آلمیر و بو دا موختلیف خستهلیک و پوزولمالارین اینکیشافینا سبب اولا بیلر.
آخار. آز خبر وئریر کی، مونخئن تئکنیکی اونیوئرسیتئتینین پروفئسسورو مارتین هاللئ دامارلارا ان چوخ زیان ووران عامللری سادالاییب.
سیقارئت چکمک
نیکوتین داماری دارالدیر. بونو هامی بیلیر. لاکین سیقارئتلرین دامارلارا دیگر داها دا جدی منفی تأثیری وار. سیقارئتلرین ترکیبینده اولان زیانلی ماددهلر دامارلارین داخیلی قاتینی سانکی اریدیر، "چاپیق" و "دلیک"لرین عمله گلمهسینه سبب اولور.
یوکسک شکر
قاندا شکرین دایم یوکسک سوییهده اولماسی دامارلاری ایلتیهابلاشدیریر، دامارلارین داخیلی دیوارینی جدی زدلییر. ایلتیهابلاشمیش دامارلاردا خولئستئرین داها تئز ییغیلیر کی، بو دا آرتئروسکلئروزون اینکیشافینا و یا داها دا آرتماسینا سبب اولور.
یوکسک خولئستئرین
خولئستئرینین دامارلاردا ییغیلماسی اونلاری دارالدیر، ضعیف و کؤورک ائدیر. بئله دامارلارین پارتلاماسی ریسکی یوکسک اولور. بو ایسه اینفارکت، اینسولت و دیگر آغیر پوزولمالارا سبب اولا بیلر.
یوکسک تضییق
دامارلار زدلنیبسه تضییقین یوکسلمهسی چوخ تهلوکهلی اولور. ضعیف، کؤورک دامارلار قانین تضییقینه تاب گتیرمهییب آسانلیقلا پارتلایا بیلر.
دامارلاری ساغلام ساخلاماق اوچون نه ائتملیگیک؟
پروفئسسور داها چوخ تروز و پولیدویمامیش یاغلی تورشولارلا زنگین اولان محصوللاری (بالیق، چرزلر، سویا) یئمیی، هر گون آچیق هاوادا گزمیی، دایم بدهن چکیسینی نورمادا ساخلاماغی توصیه ائدیر.
تاریخ
2019.12.03 / 23:16
|
مولف
Axar.az
|