آنفلوانزا خسته‌لیگی سببیله سیستان و بلوجیستان مدره‌سه‌لری ۴ گونلوک باغلانیب.

بو باره‌ده سیستان و بلوچیستان تحصیل ایداره‌سینین رئیسی حمیدرضا رخشانی معلومات وئریب.

آنفلوانزانین یاییلماسینی نظره آلاراق، بوگون‌دن گلن هفته‌نین یکشنبه گونونه قدر بو اوستانین مدرسه‌لری باغ‌لانیر.

«سون بیر نئچه گون‌ده سیستان و بلوجیستان‌دا آنفلوانزانین یاییلماسینین شاهیدی اولدوق. بئله کی، بو خستیک علامتلری اولان بیر چوخ اینسان خسته خانالارا گؤندریلیبلر».

زاهدان طب علملری و بهداشت خیدمتلری دانشگاهینین رئیسی محمد هاشمی شهری ایسه بیلدیریب کی، ۱۵۰ نفردن چوخ آنفلوانزا و سویوقدیمه خسته‌سی ایندی زاهدان مریضخاناسین‌دا بستری اولوبلار.

اونون سؤزلرینه گؤره، بو گونه قدر آنفلوانزادان ۵ نفر اؤلوب.

صحیه ناظرینین معاوینی علیرضا رئیسی بیلدیریب کی، ایران‌دا آنفلوانزانین یاییلماسی نتیجه‌سین‌ده بو گونه قدر ۴ مین نفر خسته خانایا یئرلشدیریلیب. ۴ هفته اؤنجه‌دن ایندییه قدر ایران‌دا آنفلوانزا خسته‌لیگی واختین‌دان قاباق یاییلماغا باشلاییب:

«اونون یاییلماسی ائله بیر حده‌دیر کی، بیر ائپیدمییانین یارانماسین‌دان دانیشماق اولار».