ایسپانییادا حکیملر پیرئنئی داغینا چیخارکه‌ن شاختا نتیجه‌سین‌ده اوریی آلتی ساعت دایانان بریتانییالی توریستی خلاص ائتمه‌یه نایل اولوبلار.

آخار. آذ خبر وئریر کی، حادثه نویابر آیین‌دا کاتالونییادا باش وئریب. ۳۴ یاش‌لی آودرئی شوئمان و حیات یولداشی روهان داغا قالخارکه‌ن قار فیرتیناسینا دوشوبلر. هیپوتئرمییا سببین‌دن قادین هوشونو ایتیریب و اری اونون اؤلدویونو ظن ائدیب. ایکی ساعت سونرا حادثه یئرینه گلن خیلاص ائدیجیلر قادینین نفس آلمادیغینی، اوریینین دؤیونمدیینی گؤروبلر.

همین زامانا قدر بریتانیالینین بدن هرارتی ۱۸ درجه‌یه دوشوب. بارسئلونا خسته خانالارینین بیرینه چاتدیریلان قادینین قانینین بیر حیصه‌سی خصوصی آوادانلیق واسطه‌سی ایله چیخاریلیب، اوکسیژنله زنگینلشدیریلیب و یئنی‌دن پاسینتین اورگانیزمینه وورولوب. حکیملر آودرئی شوئمانین بدهن تئمپئراتورو ۳۰ درجه‌یه چاتدیقدا اوریین فعالیتینی برپا ائتمک اوچون دفیبریللیاتوردان ایستیفاده ائدیب.

قادینین حکیمی ائدوارد آرقودونون سؤزلرینه گؤره، داغداکی آشاغی تمپراتور قادینین بینی و بدنینی قورویاراق چورومه پروسسینین قارشی‌سینی آلیب.

حادثه‌دن ۱۲ گون سونرا بریتانییالی خسته خانادان بوراخیلیب. دون وورما سببین‌دن اونون اللری حرکتینی و حساس‌لیغینی قیسما ایتیریب.

قید ائدک کی، بنزر حادثه ۲۰۱۱-جی ایلده دانیمارکادا دا قیده آلینیب. همین واخت یئنی‌یئتمه‌لر قروپونون قاییغی چئوریلیب و ۱۶ یاشلی اوشاقلار بوزلو سویا دوشوبلر. هیپئرتونییا سببین‌دن یئددی نفرین اوریی آلتی ساعت عرضین‌ده دایانیب. حکیملر خسارت آلانلاری حیاتا قایتارا بیلیبلر.