بریتانییالی عالیملر بیل‌دیریرلر کی، گون عرضین‌ده کیفایت قدر یاتساق، آرتیق چکیلردن آزاد اولا بیلریک".

آخار. آز خبر وئریر کی، عالیملرین تجروبه‌لرینه اساساً، سوتکادا ۷-۸ ساعت یاخشی یوخو آریقلاماغا کؤمک ائدیر. تجروبه زامانی ایکی قروپ کؤنول‌لو عینی پهریزدن ایستیفاده ائدیب. اما اونلارین ایش و استراحت رئژی‌می فرق‌لی اولوب. بیرینجی قروپ ایستدیی قدر یاتیب، ایکینجی قروپ ایسه جدی رئژیمه تابع اولوب. نتیجه‌ده معلوم اولوب کی، داها آز یاتانلاردا آریقلاما داها لنگ گئدیب.

عالیملر بیل‌دیریرلر کی، بده‌ن داها چوخ گومراه اولان‌دا اورقانیزم‌ده شکر میقداری آشاغی دوشور. بو ایسه علاوه کالورینین یانماسی ایله نتیجه‌لنیر. نورمال یوخو ساغلام‌لیق اوچون چوخ واجیب‌دیر. متخصصلر قئید ائدیرلر کی، یوخو چاتیشمازلیغی اورقانیزمه سیقارئت کیمی تأثیر ائدیر. یوخو پروبلئ‌می اولان اینسانلار فیکرینی توپلاماق‌دا او قدر چتین‌لیک چکیر کی، بونو سرخوش اینسانلارلا موقایی‌سه ائتمک اولار.

قئید ائدیلیر کی، کیشیلر سوتکا عرضین‌ده ۷ ساعت ۴۲ دقیقه، قادینلار ایسه ۷ ساعت ۳۸ دقیقه یاتمالیدیرلار. یوخوسوزلوق‌دان اذیت چکه‌نلر و ناملوم سببلردن گئجه اویانانلار ایسه ایدمانلا مشغول اولسونلار. بون‌دان باشقا، یوخودان اول ایسپیرت‌لی ایچکی و کوفئین قبول ائتمک اولماز. یاخشی شام یئمیی ده یوخویا پیس تأثیر ائدیر.