ایران‌دا سون ۲۴ ساعت‌دا کوروناویروس خسته‌سی اولان ۱۲۷ نفرین اؤلومو ایله اؤلو سایی ۱۸۱۲ نفره چاتیب.

آخار. آذ خبر وئریر کی، بو سؤزلری ایران صحیه ناظیرلیینین اجتیماعیتله علاقه‌لر و اینفورماسییا مرکزینین رهبری کیانوش جهانپور دئییب. او، بو گونه قدر اؤلکه‌ده ۲۳ مین ۴۹ اینسانین کوروناویروسا یولوخدوغونو بیل‌دیره‌رک، ۸ مین ۳۷۶ نفرین ساغالدیغینی آچیقلاییب:

«دونه‌ن گونورتادان بو گونه قدر اؤلکه‌ده ۱۴۱۱ نفر داها کوروناویروس خسته‌سی قید ائدیلیب کی، بونلاری دا حسابا قاتارساق، اؤلکه‌ده ویروسا یولوخانلارین عمومی سایی ۲۳ مین ۴۹-آ چاتمیش‌دیر. خوشبخت‌لیکله اؤلکه‌ده‌کی کورونا خسته‌لرینین ۸ مین ۳۷۶-نفر ساغالیب، گون‌دن گونه یاخشیلاشانلارین سایی آرتیر. تأسف کی، ۱۲۷ خسته‌نین اؤلومو ایله اؤلکه‌ده عمومی اؤل‌نلرین سایی ۱۸۱۲-ا چاتدی. کورونا خستلیین‌دن اؤل‌نلرین ۸۰%-ی ۶۰ یاش‌دان یوخاری ایدی. ان آزی بیر اساس خسته‌لیگی وار ایدی. یولوخانلارین یاش اورتالاماسی ۵۹، اؤلنلرینکی ایسه ۶۴ ایدی. یولوخانلارین ۵۸،۶%-ی کیشی، ۴۱،۴%-ی قادیندیر. اؤلنلرین ۶۰%-ی کیشی، ۴۰%-ی ایده قادین‌دیر».