ایران ساغلیق باخانی، سعید نمکی، "اوزون بیر سوره کورونا ایله کئچینمه‌لی‌ییک" دئییب، اویاردی "پاییز فصلینده آنفلوانزا ایله کورونانین اوست اوسته دوشمه‌سی بیزی غفیل‌لندیره بیلر."

سعید نمکی دئدی، کووید 19 تانینمامیش بیر ویروس‌دور، و اوندا "اؤز اجدادی‌نین داورانیش‌لاری یوخدور"، سارس و مرس ویروس‌لاری ایستی فصیل ده ضعیف لشدیلر، حالبوکی کورونا حاقیندا خوزستان کیمی ایستی اوستانیمیزدا خسته‌لییین زیروه‌سی‌نین ‌مئیدانا چیخماسینی گؤروروک.

او دئدی، ویروس‌ون داورانیشینی داها گرچکجی گؤرمک اوچون 4-6 آی دؤزمه‌لی‌ییک، "نه من نه ده دونیادا هئچکیمسه بو ویروس‌ون نه ائده‌جه‌یی سوروسونا جواب وئره بیلمز، بیز هر گون بو ویروس‌ون یئنی شرایطینه شاهد اولوروق و بیلمیریک بو ویروس هانسی سمته، هانسی یؤنه گئدیر".