ماکیاژی سیلدیکدن سونرا مسامه‌لرده قالان قالینتیلاری ائو شرایطینده حاضیرلایاجاغینیز تونیکله تمیزله‌یه بیلرسینیز. بو حجیره‌لرین ایتیردیی پارچالاری برپا ائتمه‌یه یاردیمچی اولاجاق.

Kult.az بیلدیریر کی، یاشیل چای و نار سویو مسامه‌لرین بؤیودویونو، قارا نقطه‌لرین آرتدیغینی، اوزدکی حجیره بالانسینین پوزولدوغونو حس ائتدیینیز آن ایستیفاده ائده بیلجیینیز طبیعی واسطه‌لردیر.

یاشیل چای گونش شعالارینین جیلده بوراخدیغی ایزلری، قیریشلاری، ایلتیهابی آرادان قالدیرارکه‌ن، نار سویو درینین یاشلانما پروسسینی لنگیده‌رک حجیره‌لری یئنی‌لییر.

یاشیل چای و نار سویوندان حاضرلانان تونیکی تقدیم ائدیریک:

۱/۴ ایستکان یاشیل چای

۱/۸ ایستکان تمیز نار سویو

۱/۸ ایستکان سو

حاضرلانما قایداسی:

یاشیل چای دمله‌ییب سویودون. نار سویونو عادی سو ایله قاریشدیردیقدان سونرا یاشیل چایی اوزرینه علاوه ائدیب، شوشه قابدا ساخلایین. ایستیفاده ائتمزدن اول چالخالایین. پامبیق واسطه‌سی ایله اوزونوزه تطبیق ائدین. بو قاریشیمی ۱ هفته سویودوجودا ساخلایا بیلرسینیز. هر هانسی قیزارتی و یا آغری حس ائتدیکده ایستیفادنی دایاندیرین.