کئچی سودو نینکی دادلیدیر، هم ده درماندیر. هله هیپپوکرات کئچی سودونون معالیجوی خصوصیتلرینی یوکسک قیمتلندیره‌رک وره‌مین معالیجه‌سینده ان یاخشی واسطه حساب ائتمیشدیر. ابن سینا کئچی سودوندن "قوجالیق دؤورونده" باش وئرن ناسازلیقلارین آرادان قالدیریلماسیندا ایستیفاده ائتمیی مصلحت گؤرموشدور.

Kult.az خبر وئریر کی، بو خصوصیتلر آمریکا عالیملرینین آپادیقلاری تجروبه‌لر زامانی معین اولموشدور.
کئچی سودو نینکی معالیجوی خصوصیتلرینه، هم ده کیفیتینه گؤره اینک و دیگر مال-قارانین سودوندن فرقلی‌دیر و ترکیبی ویتامین، مینرال کومپلکسی ایله زنگیندیر

کئچی سودونون ترکیبینده چوخلو کالیوم المنتی واردیر کی، بو دا اورک-دامار سیستمینین فعالیتینی آرتینر و اونون نورمال ایشله‌مه‌سینه شرایط یارادیر.

ترکیبین‌ده‌کی سود شکرینین (لاکتوزانین) آزلیغینا گؤره کئچی سودونو ایچن زامان باشقا حیوان سودلریندن فرق‌لی اولاراق باغیرساقلاردا هئچ بیر کؤپمه عمله گتیرمیر.، کئچی سودو اینک سودونه نیسبتا اورگانیزمین بوتون فیزیولوژی طلبلرینه مثبت رئاکسییا وئرن یگانه سود حساب ائدیلمیشدیر. اینسانلارین اکثریتی دئییرلر کی، اونلار اینک سودو قبول ائتدیکده آللرگییا حادثه‌سی باش وئردیی حال‌دا کئچی سودو قبول ائد‌ن زامان بو خوشاگلمز حادثه‌لر باش وئرمیر.

کانادا عالیملرینین آپاردیقلاری علمی-تدقیقات ایشلری زامانی معین ائدیلمیش‌دیر کی، کئچی سودوندن اؤد کیسه‌سی داشلان، هزمی پوزونتولاری، فیبروملار و اوشاق اپیلپسییالارمین معالیجه‌سینده ایستیفاده اولونا بیلر.