انسان ارگانیزمی اونیورسال، بیر-بیری ایله علاقه‌لی بیر سیستم‌دیر.

Axar.az خبر وئریر کی، تراپوت، پارودونتولوق یئلنا مارتینووا چنه سیستمینده اولان پروبلملرین باشدا آغریلارا سبب اولماسینی آچیقلاییب.

«تجربه‌میزده چوخ اولوب کی، پاسینت ۱۰ ایلدیر باش آغریسینی نئورولوقدا معالجه ائتدیریر، اما پروبلم دیشلرینی دوزلدندن سونرا بیتیر. سببسیز باش آغریسی و میگرن اوچلو سینیرین سینیر اوجلارینی قیجیقلاندیریر. بو سینیر کله-اوز سینیرلری ایچینده ان مرکبی‌دیر. دیشلرده اییلمه، بیری دیگرینین یئرینه کئچه‌نده تضییق آرتیر و بو اوز اسپازملارینا سبب اولور. چنه‌ده‌کی اویناغا تأثیر آرتیر. ویزوال اولاراق بو دیشلرده سینیق و چاتلارا سبب اولور.

سحردن باشلایان پئریودیک باش آغریلاری و یئمکدن، چئینمه‌دن سونراکی باش آغریلاری غیر-دوزگون دیشله‌م سببیندن اولا بیلیر. لاکن انسانلار باش آغریسیندا دیشلردن شبهه‌لنمه‌یه تله‌سمیر. واختیندا دیشله‌می دوزلتمک اوچون برکت قویمایانلار دا بؤیودوکجه باش آغریلاریندان اذیت چکیر. خصوصاً عقل دیشلری همیشه پروبلم یارادیر، چنه سوموکلری فورمالاشدیقدان سونرا چیخدیغی اوچون اؤزونه یئر تاپا بیلمیر.

۸-جی دیشده اولان ایری یئرلشمه باش آغریسی، ۷-جی دیشین یئردییشمه‌سی داماق التهابینا سبب اولور. آغیزدا کاریس، پولپیت و پئریدونتین ده خرونیکی التهاب یاراتدیغی اوچون دیش کؤکلریندن باشا آغری وئریر. اوزون مدت معالجه اولمادیقدا، چنه سوموک توخوماسینین داغیلماسینا، دیشلرین دوشمه‌سینه و ارگانیزمین اینتوکسیکاسییاسینا سبب اولاجاق»، - مارتینووا قید ائدیب.