روسییانین ارمنیستان‌دا حربی بازاسینین مؤوجودلوغو موسکوا و ایروانین اؤز ایشدیر، لاکین باکی بونو هر زامان نظره آلیر.

آپا-نین معلوماتینا گؤره، بو سؤزلری «ریا نوووستی»یه مصاحیبه‌سین‌ده آذربایجان خاریجی ایشلر ناظری المارممدیاروو دئییب.

او خاطیرلادیب کی، همین حربی بازا اورادا سووئت اتفاقی دؤوروندن مؤوجوددور:

«اورادا، ناتو عضوو تورکییه ایله سرحدده کیفایت قدر گوجلو حربی قروپ اولوب. ایندیکی حالدا روسییا و ارمنیستان بونو اؤزلری معین ائتمه‌لیدیر. لاکین البته کی، تهدید و چاغیریشلاری نظره آلاراق بیز ده گؤزواچیق اولمالیییق».

ناظر قید ائدیب کی، ارمنیستاندا روسییایا مخصوص «ایسگندر» راکت کومپلکسلرینین کودلارینین کیمده اولماسی مسئله‌سی ده آچیق قالیب: «اگر نه زامانسا بیر طرف آددیم آتیرسا، طبیعی اولاراق دیگر طرف جاواب وئرملیدیر. ایندیکی حالدا بیز بیلیریک کی، ارمنیستانا «ایسگندر» وئریلیب. لاکین اونلارین کودلارینین کیمده اولماسی سوال اولاراق قالیر».