آذربایجان پرزیدنتینین آمریکا دؤولت کاتیبی ایله فیکیر مبادیله‌سی اؤلکه‌میز اوچون اولدوقجا اهمیتلیدیر.

بو سؤزلری پولیتولوگ ایلقار ولیزاده آذربایجان پرزیدنتی ایلهام علیئوله آمریکا دؤلت کاتیبی رکس تیلرسونون گؤروشونو آخار. آذ-آ شرح ائدرکن دئییب. پولیتولوگ نفت عاملینین یئنیدن قاباردیغینی وورغولاییب:

«بو، چوخ اهمیت کسب ائد‌ن بیر گؤروشدور. آمریکا دؤلت کاتیبی رگیونداکی سیاسی، خصوصیله ده نفت و انرژی ساحه‌سینده گئدن پروسسلرله یاخیندان تانیشدیر. بئله دئیک کی، رگیوندا یئنی‌دن انرژی خریطه‌سینین چکیلمه‌سینده آمریکانین اؤنمی یوکسکدیر. بو خریطه‌ده اؤلکه‌میزین ده خصوصی رولو وار.

همچینین آذربایجان پرزیدنتی ایله گؤروش اؤلکه‌میزین آمریکا اوچون ایستراتژی متفیق رولو اوینادیغینی بیر داها تصدیقلییر.

گلوبال، رگیونال صحنه‌ده تئز-تئز دییشیله‌ن پروسسلر مختلیف پریزمادان اینکیشاف ائدیر. ایکی اؤلکه‌نین بو مسئله‌یه عینی شکیلده نظر یئتیرمه‌سی و عمومی آددیملارین آتیلماسی باخیمیندان بو گؤروش واجیبدیر. نتیجه‌ده ایکیطرف‌لی مناسیبتلرین دینامیکاسی آرتاجاق، آمریکانین رگیوندا آتدیغی آددیملار کونکرئتلشه‌جک. یاخین گله‌جکده گؤروشون نتیجه‌سی اولاراق معین مثبت حاللار اؤزونو گؤستره‌جک».

آذربایجان و ارمنیستان آراسیندا سون گونلر یارانان گرگینلییه بو گؤروشون تأثیرینه گلدیک‌ده، پولیتولوگ حساب ائدیر کی، بو موستویده هر هانسی جدی نتیجه گؤزله‌مک اولماز: "چونکی بو، چوخ فاکتورلو مناقیشه‌دیر و بورادا آمریکانین رولو ایله کیفایتله‌نمک اولماز.

اونو دا قید ائتمک لازیمدیر کی، بو گؤروشده آمریکا اؤز مؤوقعینی تصدیقله‌ییب. آذربایجانین اراضی بوتؤبلویونو دستکلدیینی دفعه‌لرله بیلدیریب. کئچن ایللر عرضینده آمریکانین همصدرلیینده مثبت عامللر فورمالاشیب. بیز آمریکا ایله بو مناقیشه‌یه گؤره ده مناسیبتلری نظارتده ساخلاماغا داوام ائدجییک».

قید ائدک کی، اؤتن گون آذربایجان رسپوبلیکاسینین پرزیدنتی ایلهام علیئو ایستانبولدا آمریکا دؤلت کاتیبی رکس تیلرسونلا گؤروشوب.