داووس فورومو کیمی تانینان دونیا اقتصادی فورومونون سایتین‌دا آذربایجان پرزیدنتی ایلهام علیئوین مقاله‌سی درج ائدیلیب.

رئپورت خبر وئریر کی، دؤولت باشچی‌سی یانوارین ۲۱-۲۴-ده کئچیریله‌جک دونیا اقتصادی فورومونون ایللیک توپلانتی‌سینا یازدیغی مقاله‌سین‌ده آذربایجان اقتصادیاتینین ۲۰۰۷-جی ایلده‌ن بری ثابت اینکیشاف ترایئکتورییاسی جیزدیغینی، اؤلکه‌نین اؤزونو آوروپا ایله آسییا آراسین‌دا ایستراتژی نقلیات مرکزی کیمی مؤقع توتدوغونو و آذربایجانین آوروپایا طبیعی گاز ایخراجینی اهمیت‌لی درجه‌ده آرتیرماسینا ایمکان وئره‌جک بورو کمرلرینین (تاناپ، تاپ) اینکیشافی باره‌ده یازیب.

"۲۰۰۷-جی ایلده‌ن بری ۱۴-جو دفعه داووس فورومون‌دا کئچیریله‌جک ایللیک توپلانتییا قاتیلماغی پلانلاش‌دیریرام. دونیا اقتصادی فورومو تکجه آذربایجان حقیقتلرینی دونیا ایجتیماعیتینه تقدیم ائتمک اوچون یوخ، هم ده گلوبال اقتصادی تندنسییالار حاقین‌دا هرطرف‌لی معلومات وئره‌ن الا پلاتفورمادیر. بو، بیزه سوسیال-اقتصادی اصلاحاتلاری تشویق ائتمه‌یه و خاریجی سرمایه جلب ائتمه‌یه یاردیم گؤستریر»، - پرئزیدئنت ایلهام الیئو وورغولاییب.

قید ائدک کی، دونیا اقتصادی فورومو گلوبال اقتصادی پروسئسلری، گون‌ده‌می و سوسیال-سیاسی پروسئسلری موذاکیره ائتمک اوچون سیاست‌چیلری، ایش آداملارینی و اجتماعی تشکیلاتلاری بیر آرایا گتیره‌ن ان بؤیوک پلاتفورمالاردان بیری‌دیر. فوروم دونیا اقتصادی تئندئن‌سییالاری حاقین‌داکی اطراف‌لی معلوماتلارا گئنیش چیخیش ایمکانی وئریر.

داووس‌دا عنعنوی ایللیک توپلانتی‌دا دونیا اقتصادی فورومو ایکی قلوبال تشببوسون حیاتا کئچیریلمه‌سینه باشلایاجاق. تشببوسلردن بیری دونیادا ۱ میلیارد اینسانین تحصیل آلماسینا ایمکان وئره‌جک گلوبال تحصیل پروگرامی‌دیر. ایکینجی تشببوس ایسه دونیادا ۱ میلیارد آغاجین اکیلمه‌سی‌دیر.