اشغالدان آزاد ائدیلمیش اراضیلرین (!) مینا خریطه‌لرینی آذربایجانا وئرمکله نیکول پاشینیان والدینلره دئدی: مندن بیر داها اؤولادلارینیزی طلب ائتمیین، چونکی اونلاری قایتارماق اوچون یگانه شانس خریطه‌لر ایدی.

Axar.az خبر وئریر کی، بو سؤزلری مطبوعات کنفرانسیندا حربی اکسپرت آیک ناآپتیان دئییب.

«من بو کارتلاری سخاوتله وئردیم، آنجاق آذربایجان آلداتدی و اسیرلری قایتارمادی. بس کیم دئدی کی، اسیرلری قایتارماق اوچون بو خریطه‌لری وئرمه‌لیسن؟ من اینانمیرام کی، نیکول خریطه‌لری عسگرلری قایتارماق اوچون وئریب، اینانیرام کی، او، خریطه‌لری ساتیب، چونکی نیکول داخلا آلوئرچیدیر.

بو خریطه‌لر، اگر صاباح محاربه اولارسا، مینلرله حیات آلاجاق. پولا گؤره خریطه‌لری وئردین، صاباح اونلار مینلرله جانا باشا گله بیلر»، - ناآپتیان بیلدیریب.

قید ائدک کی، بو آچیقلامادا بیر نئچه دقت چکن مقام وار. اولا، آذربایجان بوتون اسیرلری گئری قایتاریب، یالنیز ۱۰ نویابر ۲۰۲۰-جی ایلدن ایکی هفته سونرا اراضیمیزه یئرلشرک، ۴ نفری قتله یئتیرن دیورسانتلاردان باشقا. اونلار حربی اسیر حساب اولونمورلار. باخمایاراق کی، ارمنیستان مینا خریطه‌سینی بهانه ائد‌رک، دیورسانت-ترورچولارین دا بیر حصه‌سینی گئری آلیب. مینا خریطه‌لرینین ایسه جمعی ۲۵ فایز دقیق اولدوغو سونرادان اوزه چیخمیشدی.

ایکینجی‌سی، ناآپتیان «صاباح محاربه اولارسا...» سؤزوندن استفاده ائدیر. مینا خریطه‌لری آزاد ائدیلمیش اراضیلره عائددیر، همین تورپاقلاردا ایسه بیر داها محاربه اولمایاجاق. ارمنیستان هجوم ائدرسه، بو دفعه محاربه ارمنیستان اراضی‌سینده اولاجاق.

اوچونجوسو و ان ماراقلی‌سی، ارمنی اکسپرتین و ارمنی مدیاسینین «اشغالدان آزاد ائدیلمیش اراضیلر» افاده‌سیدیر. واختیله بو افاده‌نی اشغال ائتدیکلری اراضیلریمیز حاقدا ایشلتسه‌لر ده، حاضرکی رئاللیقدا «آزاد ائدیلمیش» افاده‌سی تام فرقلی معنا کسب ائدیر. بئله گؤرونور کی، ارمنی اکسپرت اراضیلریمیزین اشغالدان آزاد اولوندوغونو اعتراف ائدیب.