فرانسا خارجی ایشلر ناظیرلیینین بین‌الخالق عدالت محکمه‌سینین ۱۷ نویابر ۲۰۲۳-جو ایل تاریخلی قراری ایله باغلی بیاناتی یئرسیز و قبول‌ائدیلمزدیر.

Axar.az خبر وئریر کی، بو باره‌ده آذربایجانین خارجی ایشلر ناظیرلیینین شرحینده بیلدیریلیب.

«ارمنیستانین قانونسوز مراجعتلرینین اکثریتینین محکمه طرفیندن رد ائدیلمه‌سینه فرانسانین اهمیت وئرممه‌سی آذربایجانا قارشی ایکیلی استاندارتلارین و غرضلی مناسبتین نؤوبتی بارز نمونه‌سیدیر.
بیر اؤلکه‌نین اؤزونو عدالتین و آسایشین ان بؤیوک مدافعه‌چیسی کیمی تقدیم ائتمکله یاناشی، فرانسا ایله هئچ بیر علاقه‌سی اولمایان مسئله‌نی یانلیش شرح ائدیب محکمه‌نین ایشلرینه قاریشماسی تأسف دوغورور.

فرانسا اؤزونون بدنام مستملکه سیاستی و او جمله‌دن نووه سیناقلاری دا داخل اولماقلا، غیر-قانونی حرکتلری ایله باغلی محکمه قرارلارینین اجراسینا دقت یئتیرمه‌لیدیر.

فرانسادان فرقلی اولاراق، آذربایجان بین‌الخالق عهده‌لیکلرینه جدی یاناشیر»، - بیاناتدا قید اولونوب.