اسرائیلین غزه زولاغینا تخمیناً ۱۰۰ گونلوک هجوموندان سونرا اونون مغلوبیتی ایله باغلی پروگنوزلار اؤزونو دوغرولدور، چونکی فلسطین مقاومتی غالیب گلجکدیر.

Axar.az خبر وئریر کی، بو سؤزلری ایرانین دینی لیدری علی خامنه‌ای دئییب.

خامنه‌ای غزه ده اوچ آیدیر داوام ائد‌ن مناقشه‌نی «تاریخده ابدی قالاجاق اونودولماز حادثه» کیمی قیمتلندیریب:

«بو رژیم محو ائدیلیب یئر اوزوندن سیلیندیکدن سونرا دا بو جنایتلر اونودولمایاجاق و تاریخه دوشجک. بیر نئچه هفته عرضینده مینلرله اوشاغی اؤلدوردولر. لاکن فلسطین خالقینین صبری و مقاومتی اونلاری گئری چکیلمه‌یه مجبور ائتدی».

او وورغولاییب کی، اسرائیل هله ده حماس-ی محو ائتمیی باجارماییب:

«اونلار حماس-ی و مقاومتی محو ائد‌جکلرینی و غزه‌‎لیلری سیخیشدیراجاقلارینی سؤیله‌دیلر. لاکن اوغورسوزلوغا دچار اولدولار و بو گون مقاومت گوجلو، انرژیلی و تام حاضرلیقلی اولاراق قالیر و صهیونیست رژیم توکنمیش، آلچالدیلمیش و پشمانچی‌لیقلا دولودور. صهیونیست رژیمین اصل ماهیتی اوزه چیخدی».