یوخاری

رئیسینین قضاسی ایله باغلی شوک: بو فاکت تصدیقلنرسه...

آنا صحیفه سیاست
12 Punto 14 Punto 16 Punto 18 Punto

ایران پرزیدنتی و اونونلا بیرگه گئدن هیئتین هلیکوپتر قضاسی ایله باغلی اؤلکه باشچی‌سی ایلهام علیئوین انسانی اوزونتوسو و سفیرلیی زیارت ائتمه‌سی یوکسک دولت ارکانیدیر، حادثه اطرافیندا آنتی-آذربایجان بهتانلارین ان بؤیوک جوابی‌دیر. فاجعه‌دن اول سرحد هیدروقووشاقلارینین آچیلیشی قضادان دولتلرآراسی نفاق دوزلتمه‌یه چالیشانلاری افشا ائدیر.

Axar.az خبر وئریر کی، بو سؤزلری ملی مجلسین انسان حقوقلاری کمیته‌سینین صدری، ملت وکیلی زاهد اوروج پارلامنتین بوگونکو اجلاسیندا دئییب.

او بیلدیریب کی، گولوستان مقاوله‌سیندن، یئرمولوو اردولارینین چکدیی سرحد خطلریندن سونرا ایلهام علیئو خدافرینی یئنی‌دن صلح و بوتؤولوک رمزینه چئویریر:

"بئله تاریخی حادثه سون ۲ عصرده هئچ واخت اولماییب. پرزیدنت آرازین هر ایکی ساحلینی بیرلشدیردیریر و واحد تاریخ، دین، مدنی کؤکلری اولان ایران و آذربایجان آراسیندا سویوق مناسبتلری آرادان قالدیریر، اوزاق پایتاختلارین جنوبی قافقازدا حکمران‌لیغینا ضربه وورور.

ایندی اؤلکه‌میزین آدینی چیرکین ماراقلاری اوچون استثمار ائد‌نلر، ۱۹۹۳-جو ایلدن سونرا اؤلکه‌میزین هئچ بیر خارجی دولتین فورپوستو اولمادیغینی یاخشی بیلیرلر. اسرائیل و آمریکانین اؤلکه‌میزی ایران علیه‌اینه سناریلره جلب ائتمه‌سی ادعالاری بین‌الملل توققوشما طرفدارلارینین اویدورماسی‌دیر. آذربایجان دولتی هئچ واخت بؤیوک اویونلارا یول وئرمدیی اوچون محاربه‌ده غلبه قازانیب.

ارمنی تلگرام کاناللارین‌دا ایران پرزیدنتینین سفر تاریخینین دییشمه‌سینی رسمی باکینین اسراری ایله علاقه‌له‌ندیرنلر، مگر سیز تهرانین رسمی پروتوکول اداره‌سینده ایشلییرسینیز؟ دوغرودان او فاکت تصدیقلنرسه، رئیسی اولجه ایروانا گئتملیدیسه، اوندا گؤروش گرافیکینی دییشدیرنلر قضانین سببکارلاری ایله بیر یئرددیرلر. شمال-جنوب لاییحه‌سی و زنگزور دهلیزینین گئرچکلشمه‌سینی یاخینلاشدیران خدافرین-قیز قالاسی سو قووشاقلاری ناخچیوانا گئدن یولون دا آچیلماسی پرسپکتیوینی گوجلندیریر، بندلر، کؤرپولر رگیون‌دا یئنی تهلوکه‌سیزلیک آرخیتکتوراسینا چئوریلیر. اونا گؤره ده تخریبات سناریلری آختارانلار سرحدلریمیزده یئرلشدیریله‌ن آوروپا مشاهده میسیاسی نه قدر قالدیقجا هله چوخ قضالارین اولاجاغینی دا بیلسینلر".

زاهد اوروج وورغولاییب کی، اؤلکه‌میز سون ۳۰ ایلده مختلف مدنیتلر، دینلر و دولتلر آراسیندا دیالوگ مکانی‌دیر:

"روسیا-آمریکا، روسیا-ناتو گنراللاری محض باکی‌دا گؤروشوبلر. اونا گؤره ده ایران قضاسینی بوتون قافقازلاردا غیر-ثابتلیک منبع‌یینه چئویرمه‌یه چالیشانلار، کوپ-۲۹-اون کئچیریلمه‌سینه تهلوکه اولدوغونو ادعا ائد‌نلر اونوتماسین کی، وطن محاربه‌سی بوتون غیر-ثابتلیک فاکتورلارینا-بین‌الخالق ترورا، سپاراتیزمه و سوء-قصدلره سون قویوب. خالقیمیز ۱۹۹۱-جی ایلین ۲۰ نویابریندا هلیکوپتر قضاسین‌دا سای-سئچمه اوغوللارینی نئجه ایتیردیینی، فاجعه‌نین آردینجا گلن تورپاق ایتکیلرینی هئچ واخت اونوتماییب.

ایلهام علیئو بوتون قافقازین خلاصکاری کیمی چیخیش ائدیر و پرزیدنتی باریش ایسته‌یه‌ن گورجونون، آبخازین، چچنین، میلیونلارلا جنوبی آذربیجانلینین، فارسین، حتی صلح ایسته‌یه‌ن ارمنینین ده امید یئرینه چئویرن اونون رگیونال تهلوکه‌سیزلیک پلاتفورماسیدیر. ایرانلا دا مناسبتلر یاخشیلاشدیقجا، ایروانین تهران اوچون اهمیتی آشاغی دوشه‌جک.

اؤلکه رهبری و تورکیه پرزیدنتی «قارداشلاریمیزین کدرینی بؤلوشوروک»، دئیرکه‌ن هر ایکی لیدرین بیر قطعی اینامی وار- دومان چکیلدیکجه گؤرونه‌جک کی، اگر وارسا، قارا قوتودان بو دولتلرین الی چیخمایاجاق!"

تاریخ
2024.05.24 / 22:15
مولف
Axar.az
شرح لر
دیگر خبرلر

کیئو دونباسی، کریمی ایتیردی، ایروان زنگزورو ایتیره‌جک

«بیر میللت، ایکی دولت» اولاراق... - تورکییه خارجی‌ ایشلر ناظیرلییی

شوشادا کنفرانس: پرزیدنت مراجعت وعنوانلادی

شوشادا مهم کنفرانس کئچیریلیر

۱۹۹۳-ده دولتیمیز، ۲۰۲۱-ده گلجییمیز گارانت آلتینا آلیندی

آمریکا-دان باکی و ایروانا: کرملین باشی قاریشیب، تئز ائدین!

آمریکا باکی و ایروانی بونا جسارتلندیریر - اوبراین

رسمی باکی‌دان فرانسایا چاغیریش: قبول ائدیلمزدیر!

روس صلح‌مراملیلارین چیخاریلماسینی ایزله‌ییریک – اردوغان

ایران جدی سیناقلاردان کئچیر - چین

خبر خطّی
Axar.az'da reklam Bağla
Reklam
Bize yazin Bağla